जनकपुरधाम । १४ चैत
म्यादी प्रहरीका लागि मधेश प्रदेशबाट ६८ हजारभन्दा बढी आवेदन दिएको छ ।
मधेश प्रदेशका लागि २१ हजार ६ सय ९८ जना चाहिएकोमा ६८ हजार ६ जनाले म्यादी प्रहरीका लागि आवेदन दिएको मधेश प्रदेश प्रहरी कार्यालयले जनाएको छ । ६८ हजार ६ मध्ये ८ हजार १३२ जना महिलाले म्यादी प्रहरीका लागि आवेदन दिएको मधेश प्रदेशका प्रहरी प्रमुख डिआईजी उमेश रंजितकारले बताए ।
मधेश प्रहरी कार्यलयका अनुसार सबभन्दा बढी बारामा ११ हजार २६६ जनाले म्यादी प्रहरीको लागि आवेदन दिएको छ भने सबभन्दा कम पर्सा जिल्लामा ६ हजार २ सय ९ जनाले आवेदन दिएका हुन् । जवकी वारमा २ हजार ५२५ र पर्सामा १हजार ८ सय १ जना म्यादी प्रहरीको माग रहेको छ । त्यसैगरि,धनुषामा ३ हजार ४८६ जना म्यादी प्रहरीको माग रहेकोमा ९ हजार २१, सप्तरीमा ३ हजार १३९चाहिएकोमा ९ हजार ४ सय ६, सर्लाहीमा ३ हजार ८८ चाहिएकोमा १० हजार ८५१ जनाले म्यादी प्रहरीको लागि आवेदन दिएको मधेश प्रहरी कार्यालयले जनाएको ।
त्यसैगरि, महोत्तरीमा २ हजार ७३६ म्यादी प्रहरी चाहिएकोमा ८ हजार ५५, रौतहट २ हजार ५८९मा म्यादी प्रहरी चाहिएकोमा ६ हजार ६ सय ८४, सिरहामा २ हजार ३३१ चाहिएकोमा ६ हजार ५५० जनाले म्यादी प्रहरीको लागि आवेदन दिएका हुन् ।
म्यादी प्रहरीमा भर्ना हुनेले प्रहरी जवानले पाउने मासिक तलव पाउने छ । म्यादी प्रहरीले ४० दिन तलब पाउने छ । यस हिसावले म्यादी प्रहरीले ४० दिनको ३० हजार २४० रुपैयाँ र रासनको ७ हजार २ सय, पोशाक तथा अन्य खर्च ६ हजार र निर्वाचनको अवधिमा यातायातको खर्च वापत १ हजार गरि कुल ४४ हजार ४४० रुपैयाँ पाउने छ । म्यादी प्रहरीमा छनौट भएकाहरुलाई १० दिन तालिम दिने डिआईजी रंजितकारले बताए । म्यादी प्रहरीलाई पायक पर्ने स्थानीयमा खटाउन गृहमन्त्रालयले जिल्ला प्रहरी कार्यालयहरुलाई आदेश गरेको छ । स्थानीय तहको निर्वाचनमा नेपाल प्रहरीलाई सघाउन म्यादी प्रहरी राखिएको उनले बताए ।
सम्बन्धित खबर
