जनकपुरधाम । मुस्लिम आयोगका अध्यक्ष समिम मिया अन्सारीले पैसा वित्तरण गरेको आरोप लगाउदै हुलहुजत र अक्रमण गर्न खोजेपछि प्रहरीले अन्सारीलाई उद्धार गरेको छ ।
दुई दिनदेखि अघि जनकपुर आएका अन्सारीले स्थनीय सीता शरण टोलमा बसेर मतदातालाई प्रभावित गर्न अन्सारीले पैसा वित्तरण गरेको आरोप लगाउदै एमालेका उम्मेदवार शिवशंकर साहका केहि समर्थकहरुले होटल नै घेराउ गरि हुलहुत गर्न खोजेपछि प्रहरीले उनलाई तत्काल उद्धार गरि काठमाण्डौ पठाएका हुन् । अन्सारीको आज जनकपुरबाट ११ वजे काठमाण्डौ जाने कार्यक्रम रहेको थियो । तर १० वजे देखि नै उनीहरुले होटल घेराउ विरोध गरिरहेका थिए ।
धनुषाका प्रहरी प्रवक्ता प्रहरी नाउव उपरीक्षक प्रदिप वहादुर क्षेत्रीले एमालेका उम्मेदवारका समर्थकहरुले होटल नै घेराउ गरेपछि तत्काल अध्यक्षलाई उद्धार गरेको बताए । उहाँ(अध्यक्ष) आज विहान एमालेका सासदहरुसँग होटलमै भेटघाट र सँगै खाना खाएको थियो,‘ तर त्यहाँबाट नै पैसा बाडेको अपवाह चलेपछि एमालेका सर्थकहरु टोहल घेरा गर्न पुगेका थिए ।’
यता, प्रहरीले झुठो हल्ला फैलाएको आरोपमा प्रहरीले एमालेका जनकपुरधाम नगर अध्यक्ष सुरेन्द्र भण्डारीलाई प्रहरीले पक्राउ गरेको छ । भण्डारीलाई प्रहरीले अहिले जिल्ला प्रहरीमा राखिएको छ ।