जनकपुरधाम । झण्डै दुई सप्ताहलेखि स्थानीय जनक चोकमा रिले अनशन गर्दै आएको चुरे तथा वनजंगल संरक्षण अभियानले दोस्रो चरणको आन्दोलनको घोषणा गरेको छ ।
अभियानले बुधवार जनकपुरमा पत्रकार सम्मेलन गरि दोस्रो चरणको कार्यक्रम घोषणा गरेको हो । अभियानमा संयोजक सुनिल यादवले लामो समयदेखि आन्दोलन गर्दै आएपनि सरकारले कुनै सुनवाई नगरेपछि वाध्य भएर दोस्रो चरणको दवाव मुलक कार्यक्रम गर्न लागेको बताए ।
संयोजक यादवले दोस्रो चरणको कार्यक्रम अन्तर्गत श्रावण २० गते शुक्रवार चुडी आन्दोलन गरिने बताए । लामो समयदेखि आन्दोलन गरेपनि मन्त्रीहरु मन्त्रालयबाट वाहिर आउन नसकेकोले मन्त्रीहरुलाई चुडी,साडी,व्लाउज र पेटिकोेट प्रदान गर्ने कार्यक्रम रहेको बताए ।
त्यसैगरि श्रावण २२ गते बच्चाहरुलाई राखेर मुख्यमन्त्री तथा मन्त्रिपरिषद कार्यालय अगाडी प्रदर्शन गरिने कार्यक्रम रहेको उनले बताए ।
भुमिहिन, सुकुम्वासीहरुका बच्चाहरुको भविष्य अन्धकारमा रहेकोले पनि सरकारले उनीहरुको समस्या सम्बोधन गर्न नसकेकोले बच्चालाई राखेर आन्दोलन गरिने उनको भनाई थियो । विगतमा मधेश प्रदेश सरकारले गरेको सम्झौता कार्यन्वय नगरेको भन्दै अभियानिहरुले चरणवद्ध कार्यक्रम गर्दै आएको छ ।
सम्बन्धित खबर
