मिथला नगरपालिका २ नक्टाझि हजराचौकमा बसको ठक्करले साईकलमा सवार बालकको मृत्यु भएको छ । मृत्यु हुनेमा मिथला नगरपालिका वडा नं.२ का १३ वर्षीय विशाल दास रहेका छन । विहीवार दिँउसो जनकपुरधामबाट नेपालगन्ज जादै गरेको ना ५ ख १४४१ नम्बरको बसले ठक्कर दिँदा बालकको मृत्यु भएको इलाका प्रहरी कार्यालय सखुवा महेन्द्रनगरले जनाएको छ ।
दुर्घटनामा गम्भीर घाइते बालको उपचारको क्रममा जनकपुर स्थित जानकी हेल्थ केयरमा बालकको मृत्यु भएको प्रहरी निरीक्षक बेचन यादवले बताए । पोस्टमार्टमका लागी बालक शव प्रादेशिक अस्पतालमा राखिएको छ । ठक्कर दिने बस चालकलाई नियन्त्रणमा लिएर अनुसन्धान भईरहेको इलाका प्रहरी कार्यालय सखुवा महेन्द्रनगरले जनाएको छ ।
