जनकपुरधाम, १४ भदौ । जनकपुरधामसहित मंगलबार चौठचन्द्र र तिज पर्व मनाइएको छ । चौठचन्द्र पर्व भदौ शुक्लपक्षको चौथी तिथिका दिन मनाइन्छ । मधेशी समुदायले यसलाई छठपछिको दोस्रो ठूलो पर्वको रूपमा मनाउने गर्छन ।
चौठचन्द्र पर्वका दिन व्रत बस्ने चलन रहेको छ । पर्वकै अवसरमा आँगनमा पूजा हुने भएकाले चामलको पिठोको कलात्मक अरिपन बनाइ, त्यसमाथि पूजाका सामग्री राखेर धार्मिक विधिपूर्वक पूजापाठ गरिन्छ । सो क्रममा नयाँ माटोको भाँडोको दही, केरा, मिठाइ, फलफूलका साथै विभिन्न प्रकारका पकवान राखेर विभिन्न देवीदेवतालाई चढाइने गरिन्छ ।
पूजामा विशेष परिकार बनाउने चलन रहेको छ । प्रसादका रूपमा पिरुकिया, खजुरिया, खाजा, पुरी र खिर घरघरमा बनाउने चलन छ । फलफूलका अतिरिक्त दहीले पनि गणेश र चन्द्रमाको पूजा गरिन्छ ।
यस्तै तिज पर्व पहाडी समुदायकी महिलाहरुले मठ मन्दिरमा गई पुजा पाठ गरि मनाएकी छिन । महिलाहरुले रातो लुगा लगाई विभिन्न प्रकारका मनोरन्जनात्मक क्रिया क्लाप गरी यो पर्व मंगलवार धुमधामका साथ जनकपुरधाममा मनाएका छन । महिलाहरले विभिन्न प्रकारका पकवान बनाई तिज पर्व खुशियालीमा रमाएकी छिन ।
