मधेश सरकारको मुख्यमन्त्री तथा मन्त्री परिषद कार्यालयबाट हाराएको १४ हजार साइकल खरिदको फाइल मध्ये भुक्तानीसंग सम्बन्धित फाइल फेलापरेको छ । यधपी खरिद प्रकियाको फाइल अझै फेलापरेको छैन ।१४ हजार साइकल खरिद प्रकिया अन्तर्गत भुक्तानीसंग सम्बन्धित फाइल भेटिएपछि अख्तियार दुरुपयोग अनुसन्धान आयोगलाई पठाइएको हो ।

खरिद प्रकृयाको स्वीकृतको फाइल भने अझै फेला नपरेको कार्यालयका एक सचिवले जानकारी दिए । टेन्डर आह्वानदेखि स्वीकृतसम्मको फाइल फेलापरेको छैन । सचिवले भने, ‘ त्यो फाइल खोज्दैछौं हामी । मुख्यमन्त्री बेटी पढाउ, बेटी बचाउ’ कार्यक्रम अन्तर्गत मधेश प्रदेश भरिका सामुदायिक विद्यालयमा कक्षा ८ मा अध्ययनरत छात्रालाई बाँड्न दुइपटक गरी २०७५।०७६ मा १४ हजार साइकल मुख्यमन्त्री कार्यालयले खरिद गरेका थिए ।