भारतबाट पेट्रोलियम पदार्थको मूल्य बृद्धी भएर आएको छ । पछिल्लो तीन पटक मूल्य घटाएर पठाएको भारतीय आयल कर्पोरेसन आईओसीले यस पटक डिजेल र पेट्रोलको नयाँ मूल्य पठाएका छन । बिहीबार प्राप्त नयाँ मूल्य अनुसार पेट्रोलको मूल्य १ रुपैयाँ ४० पैसा र डिजेलको मूल्य ६ रुपैयाँ १२ पैसाले बढेर आएका छन, भने खाना पकाउने ग्याँसको मूल्य प्रतिसिलिण्डर १ सय रूपैयाँले घटेर आएको नेपाल आयल निगमले बताएको छ ।नयाँ मूल्य प्राप्त भए पनि निगमले उपभोक्ता बिक्री मुल्यबारे भने कुनै निर्णय लिएको छैन । यसअघि भारतबाट लगातार तीन पटक मूल्य घटेर प्राप्त भएपनि निगमले बिक्री मूल्य घटाएको थिएन ।