जनकपुरधाम । निर्वाचनमा सरकारी सवारी साधन प्रसार प्रशारमा प्रयोग गर्ने सम्बन्धित कार्यालय प्रमुखलाई विभागीय कारवाहीका लागि आयोगले सिफारिस गर्ने चेतावनी दिएको छ । जिल्ला आचारसंहिता अनुगमन समितिको विहीवार बसेको बैठकबाट सो निर्णय गरिएको हो । भारतीय नम्बरको प्लेट सवारी साधन निर्वाचन प्रसार प्रशारमा प्रयोग गरिएको खण्डमा त्यस्ता सावरी साधनलाई ट्रफिक प्रहरी वा सुरक्षाकर्मीले नियन्त्रणमा लिई जिल्ला आचारसंहित अनुगमन समितिलाई जानकारी गराउँन निर्देशन दिएको छ ।
आचारसंहिता विपरित राजनितिक दल तथा उम्मेदवारको झण्डा तुल ब्यानर जस्ता प्रयोग भईरहेको जन गुनासो प्राप्त भईरहेकाले सुरक्षाकर्मी सहितको अनुगमन टोली तत्काल खटाई त्यस्तो क्रियाकलाप नियन्त्रण गर्ने व्यवस्था मिलाएको छ ।निर्वाचन अधिकृत तथा अनुगमन अधिकृतहरुले स्वंय वा प्रतिनिधि पठाई सुरक्षाकर्मीको सहयोग लिई निरन्तर अनुगमन तथा अचारसंहिता विपरितका गतिविधि नियन्त्रण गरी समितिमा प्रतिवेदन पेश गर्ने व्यवस्था मिलाएको छ ।
जिल्ला भित्रका विभिन्न पालिकाहरुले निर्वाचन आचारसंहिता विपरित खालका कार्यक्रम उद्घाटन शिलान्यास लगायतका भईरहेको जन गुनासो आईरहेको हुदा त्यस्तो कार्य हुन गर्न नपाउन ेव्यवस्था मिलाउनु सबै पालिकाहरुलाई अनुरोध गरिएको छ । निर्वाचन अचारसंहिता विपरितका कार्यक्रम गरिएको खण्डमा शुक्रवार देखि खटिएको टोलीर्ले त्यस्ता गतिविधिलाई नियन्त्रणमा लिन कार्यक्रम प्रारम्भ गर्ने भनिएको छ ।
सम्बन्धित खबर
