काठमाडौं । अमिताभ बच्चन भारतीय फिल्मका सबैभन्दा रुचाइने अभिनेतामध्ये एक हुन् । ८० वर्षको उमेरमा पनि दिग्गज कलाकारले चरित्र चित्रणमा ज्यान दिन्छन् । तर दमदार अभिनयले सबैको मन जित्छन् । यति मात्र होइन, यी दिग्गज अभिनेता समयनिष्ठ छन् र जहिले पनि समयमै सेट पुग्छन् ।आइतबार राति बिग बीले आफ्ना फ्यानसँग एक रोचक पोस्ट सेयर गरे, जुन सुनेर उनकी नातिनी नव्या नवेली नन्दा हाँस्न थालिन् । एक अज्ञात व्यक्तिले आफूलाई बाइकमा बसाएर समयमै काममा पुग्न मद्दत गरेको कुरा अभिताभले फ्यानमाझ सेयर गरेका छन् ।
यसैबीच, बिग बी हालै चोटबाट निको भएर काममा फर्किएका छन् । केही दिनअघि ‘प्रोजेक्ट के’ को सेटमा उनी घाइते भएका थिए । उनी एक इन्टेन्स एक्सन सिक्वेन्सको सुटिङ गरिरहेका थिए । दुर्घटनापछि सुटिङ रोकिएको थियो । ‘प्रोजेक्ट के’मा प्रभास, दीपिका पादुकोण र दिशा पटानी पनि छन् । उनी अहिले रिभु दासगुप्ताको कोर्टरुम ड्रामा ‘सेक्सन ८४’ को सुटिङमा व्यस्त छन् ।
