जनकपुरधाम । मिथिलाञ्चलसहित मधेशका महिलाहरु पतिको दीर्घायुको कामना गदै आज बट सावित्री पर्व मनाउँदै छन् ।
शहरी तथा ग्रामिण क्षेत्रका हिन्दु सामुदायकी विवाहित मिथिलाणि महिलाहरुले वरको रुखमा रातो पहेलो धागो बाँधी पतिको दिर्घायुको कामना गर्दै बट सावित्री पर्व मनाइरहेका हुन् । बट सावित्री पर्व बनाउने महिला विहानदेखि निराधार व्रत बसि वरको रुखमुनि पुजाअर्चना पश्चात गुल्यिो खीर खाने गर्छन् । बट सावित्री पर्व मनाउँदा मनको इच्छा पूरासंगै पतिको आयु बढ्ने जनविश्वास रहेको व्रती सुधा कर्णले बताईन ।
धार्मिक किम्वदन्ती अनुसार वरको रुखमा व्रह्मा, बिष्णु र महादेवको वास हुने भएकोले वरको रुखको पुजा गर्ने प्रचलन छ । अन्य रुखको तुलनामा वरको रुखको आयु लामो हुने भएको र वरकै रुखमुनि सावित्रीको पति सत्यवानको प्राण फिर्ता गरिएकोले पुजा गर्ने चलन रहेको उनले बताईन । पौराणिक मान्यता अनुसार ऋषिपुत्री सावित्रीले आफ्नो पति सत्यवानको प्राण यमराजसँग खोसेर ल्याएको दिनको स्मरण गर्दै विवाहित महिलाहरुले जेठ औंसीको दिन यो पर्व मनाउने गदर्छन् ।
नवविवाहिता महिलाहरुको माइतीबाट यो पर्व मनाउन भार (कोसेली) पठाउने गरिन्छ र त्यसै कोसेलीबाट पूजाआजा गर्ने चलन पनि छ ।
सम्बन्धित खबर
