जनकपुरधाम । मधेश प्रदेश सरकारले मुस्लिम धर्मका प्रवर्तक पैगम्बर मोहम्मदको जन्मदिनको अवसरमा आगामी भदौ ३१ गते सार्वजनिक बिदा घोषणा गरेको छ ।
गृह, संचार तथा कानुन मन्त्रालयले आज एक सूचना जारी गर्दै पैगम्बर मोहम्मदको जन्मदिनको अवसरमा सार्वजनिक बिदा दिने निर्णय भएको जानकारी गराएको हो ।
मन्त्रालयका निमित्त प्रदेश सचिव सुदीपकुमार सिंहद्वारा जारी सूचनामा उल्लेख गरिए अनुसार, यो निर्णय प्रदेश मन्त्रिपरिषद्को २०८० साल चैत ११ गतेको बैठकमा पारित भएको थियो ।
सूचनामा भनिएको छ, “पैगम्बर मोहम्मदको जन्मदिन २०८१ साल भदौ ३१ गते सोमबारका दिन परेकोले उक्त दिन मधेश प्रदेशभर सार्वजनिक बिदा दिने निर्णय भएको छ ।“
विश्वमा शन्ति स्थापना तथा आपसी भाईचारा तथ धार्मिक सदभावको दुतको रुपमा चिनिएक पैगम्बर महोम्मदले अल्लाहले सर्वसधारणको लगि दिएको सन्देश संसारभरि फैलएका थिए । महोम्मद डे विश्वको विभिन्न देशहरुमा मुस्लिम सामुदायले धुमधामका साथ मनाउदै आएका छन् ।
महोम्मद डेको अवसरमा धनुषाका रविउल्ल नुर कमिटिले यस वर्ष भव्य कार्यक्रमको आयोजना गर्ने जनाएको छ । कमिटिका अध्यक्ष मौलना तथ राजनीतिकर्मी अजिज राईनले विगतका वर्षहरु जस्तै यस वर्ष महोम्मद डेको अवसरमा भव्य शान्तिपुर्ण र्यली निकाल्ने तथा कार्यक्रमको आयोजना गर्ने बताए ।
सम्बन्धित खबर
