जनकपुरधाम । जय ट्रफी मेन्स एलिट कप २०८१ अन्तर्गत बागमती प्रदेश र मधेश प्रदेशबीचको खेल बराबरिमा सम्पन्न भएको छ ।
जनकपुरधामको प्रस्तावित रामजानकी वहुउदेश्य अन्तराष्ट्रि रंगशालामा सोमबार भएको दोस्रो दिनको खेल सकिँदा बागमतीले लक्ष्य पूरा गर्न सकेन । मधेशले दिएको १६४ रनको लक्ष्य पछ्याएको बागमतीले २० ओभरमा ६ विकेट गुमाएर ९७ रन बनायो । रित गौतमले सर्वाधिक २५ रन बनाए भने शुभ कंसाकारले २३ रन बनाए । मधेशका कप्तान हरिशंकर साहले ३ विकेट लिँदा रुपेश सिंह, अभिषेक तिवारी र रन्जित कुमारले १–१ विकेट लिए ।
मधेशले दोस्रो इनिङमा ९ विकेट गुमाएर २११ रन बनाउँदा इनिङ समाप्तिको घोषणा गरेपछि १६३ रनको अग्रतासहित १६४ रनको लक्ष्य दिएको थियो ।
मधेशका लागि दोस्रो इनिङमा ओपनर मयन यादवले सार्वधिक १०६ रन बनाएका थिए । अभिषेक तिवारीले १९ रन बनाए । बागमतीका कप्तान सन्दीप लामिछानेले १७ ओभरमा ८८ रन दिएर ५ विकेट लिए ।
सुर्य तामाङले २ तथा रिजन ढकाल र नन्दन यादवले १–१ विकेट लिए । त्यसअघि टस जितेर पहिले ब्याटिङ गरेको मधेश १०२ रनमा अलआउट हुँदा जवाफमा बागमतीले १५० रनमा अलआउट हुँदै ४८ रनको अग्रता बनाएपछि मधेशले दोस्रो इनिङ सुरू गरेको थियो ।
सम्बन्धित खबर
