जनकपुरधाम । राष्ट्रिय दलित आयोगले चौथो वार्षिक प्रतिवेदन मधेश प्रदेशका प्रदेश प्रमुख सुमित्रा सुवेदी भण्डारी समक्ष प्रस्तुत गरेको छ ।

आयोगका सदस्य टुन्जे बराइलीको नेतृत्वमा आएको टोलीले आर्थिक वर्ष २०८०÷८१ को वार्षिक प्रतिवेदन प्रदेश प्रमुख झण्डारीलाई बुझाएको हो । नेपालको संविधानको धारा २९४ को उपधारा ३० अनुसार आयोगले प्रतिवेदनलाई प्रदेश प्रमुखको समक्ष प्रस्तुत गर्ने परम्परा अनुसार कार्यक्रम सम्पन्न भएको हो । आयोगका सदस्य बराइलीले दलित समुदायको सामाजिक र आर्थिक उन्नतिका लागि आयोगले गरिएका पहलहरूको समीक्षा गरे ।

प्रतिवेदनमा दलित समुदायको अधिकार र समृद्धिका लागि आयोगले गरेका विभिन्न कार्यक्रम र गतिविधिहरूको विवरण दिइएको छ । साथै, आगामी वर्षका लागि आयोगको रणनीतिक योजना र आगामी कार्यहरूको बारेमा पनि जानकारी प्रदान गरिएको छ ।

प्रदेश प्रमुख भण्डारीले दलित समुदायको उत्थान र सशक्तिकरणमा थप ध्यान दिनुपर्ने आवश्यकता औंल्याइन् । उनले समानताको मार्गमा भइरहेको प्रगति र सामाजिक समृद्धिका लागि अझ धेरै प्रयास गर्न आग्रह गरिन् ।