महोत्तरी । लोकतान्त्रिक समाजवादी पार्टी (लोसपा) ले पार्टी संगठनलाई थप सुदृढ र समावेशी बनाउने अभियान अन्तर्गत महोत्तरीका चर्चित समाजसेवी तथा जुझारु नेता कलामुद्दीन राईनलाई पार्टीको सह–महासचिवमा मनोनीत गरेको छ ।
दलित, मुस्लिम तथा पछाडि पारिएका वर्गको हक–अधिकारका लागि लामो समयदेखि संघर्षरत राईनलाई पार्टीले सह महासचिवम मनोनित गरिएको छ । त्यसैगरी, लोसपाले महोत्तरीका हरिनन्दन ठाकुर र कैलालीका नरेश चौधरी र राजु वर्णवाललाई पार्टीको केन्द्रिय सदस्यमा मनोनित गरिएको छ । त्यसैगरि, महोत्तरीका राजु चौधरी, गौतम ठाकुर र रौतहटका सरोज प्रसाद कुर्मीलाई केन्द्रिय सदस्य –दिल्ली प्रवास)मा मनोनित गरिएको छ ।
जमीनी तहदेखि नेतृत्वमा पुगेका राईनको यो मनोनयनले पार्टीको सांगठनिक ढाँचा अझ सुदृढ हुने विश्वास पार्टीभित्र ब्यापक रूपमा व्यक्त गरिएको छ ।
शालीन, इमानदार र सेवामुखी छविका राईन पार्टीका वरिष्ठ नेता शरत सिंह भण्डारी निकट नेताका रूपमा चिनिन्छन्। पछिल्लो निर्वाचनमा उनले भण्डारी र पार्टी अध्यक्ष महन्त ठाकुरलाई विजयी गराउन खेलेको भूमिकालाई पार्टी नेतृत्वले निकै मूल्यांकन गरेको थियो ।
राईन नेता राईन ग्रामिण् स्तरमा गहिरो पकड राख्ने नेता हुन्। सामाजिक न्याय, समावेशिता र अल्पसंख्यक समुदायको सशक्तिकरणमा उनले पु¥याएको योगदान उल्लेखनीय छ । उनी वृहत्तर जनकपुर क्षेत्र विकास परिषदका सदस्य रहेका बेला जनकपुर जलेश्वर सडक खण्डलाई चारलाईनका बनाउनका लागि आमरण अनशनमा समेत बसेका थिए ।
महोत्तरीको राजनीतिक वृत्तमा उनको सह–महासचिव मनोनयनलाई लोसपाको रणनीतिक सन्तुलन र समावेशी सोचको उदाहरणका रूपमा हेरिएको छ ।
