जनकपुरधाम । नेकपा एमाले धनुषा जिल्ला नेतृत्वका लागि आज निर्वाचन हुँदैछ । स्थानीय महेन्द्रनारायण निधि मिथिला सास्कृती भवनमा आज बिहान ११ बजे देखि मतदान सुरु भएको हो ।
२२ बैशाखमै अधिबेशन अन्तरगत मतदानको मिति तोकिएको थियो । तर मतदान सुरु नहुदै दुई पक्षबीच कुटाकुट भएपछि मतदान स्थगित गरिएको थियो । धनुषा जिल्ला अध्यक्ष पदका लागि दुई जना उम्मेदवार मात्र रहेका छन् ।
एमालेका केन्द्रीय सचिव समेत रहेका पुर्व उपप्रधानमन्त्री रघुबीर महासेठ समूहबाट भोला यादव र एमालेका केन्द्रीय सदस्य उमाशंकर अरगडियाको समूहबाट लक्ष्मीनारायण यादव बीच चुनावी प्रतिस्पर्धा भइरहेको छ ।
अधिबेशनमा ६२८ जना प्रतिनिधिले मतदान गर्ने छ ।दिउँसो २ बजे झन्डै ३ सय प्रतिनिधिले मतदान गरिसकेको निर्वाचन समितिले जनाएको छ । यसैबीच, अहिले वर्षा भइरहेको मतदान प्रभावित भएको निर्वाचन समितिले जनाएको छ ।
