जनकपुरधाम । नेकपा माओवादी केन्द्र मधेश प्रदेशका संसदीय दलका नेता भरतप्रसाद साहले पदबाट राजीनामा दिएका छन् ।
नेता साहले सोमबार साझ माओवादी केन्द्रका अध्यक्ष पुष्पकमल दाहाल प्रचण्डलाई राजीनामा पत्र बुझाएका हुन् ।झन्डै एक वर्षदेखि माओवादी केन्द्रका बहुमत प्रदेश सासदले नेता साहको राजीनामा माग गर्दै आएका थिए । तर पार्टीका उपसचिव तथा मधेस प्रदेश इन्चार्ज मातृका प्रसाद यादवको संरक्षणको कारण नेता जोग्दै आएका थिए ।
बिबाद मिलाउन पार्टी अध्यक्ष प्रचण्ड स्वयम् पहल गरेका थिए । विवाद नमिलेपछि अध्यक्ष प्रचण्डले नै नेता साहलाई राजीनामा निर्देशन दिएका थिए ।
पार्टीका सांसदहरुकुरा नसुन्ने, पार्टीलाई अघात पुग्ने काम गरेको तथा अर्थ मन्त्री हुँदा बजेटमा चलखेल गरेको सान्सदहरुले आरोप लगाएका छन् ।
मधेस प्रदेशमा माओवादीका ९ जना सांसद रहेका छन् । ती मध्ये प्रमुख सचेतक फकिरा महतो, जवाहर कुशवाह, राजी हैदर, सुनिता यादव, मालाकुमारी कर्ण र रहबर अन्सारी गरि ६ जना सांसद नेता साहको बिरोधमा थियो ।
