जनकपुरधाम । दश बुँदे .घोषणापत्र जारी गर्दै प्रथम राष्ट्रिय शिक्षा सम्मेलन २०८२ जनकपुरधाममा सम्पन्न भएको छ ।
मधेश प्रदेशको शिक्षा क्षेत्रमा सुधार र नीतिगत कार्यान्वयनमा जोड दिदै सम्मेलनबाट १० बुँदे घोषणापत्र आज जारी गरिएको छ । मधेश प्रदेशका शिक्षा तथा संस्कृति मन्त्रालयले आयोजना गरेको सम्मेलनमा े “मधेश प्रदेश शिक्षा नीति २०८१” को प्रभावकारी कार्यान्वयनका लागि आवश्यक पूर्वाधार, स्रोत र समन्वयमा केन्द्रित रणनीतिहरू अघि सारेको छ ।
घोषणापत्रमा विद्यालय बाहिर रहेका बालबालिकालाई पुनः विद्यालयमा भर्ना गराई सीपयुक्त शिक्षा प्रदान गर्दै आत्मनिर्भर बनाउन सरकारी तथा गैरसरकारी निकायबीच सहकार्य गरिने प्रतिबद्धता जनाइएको छ।
त्यसैगरी, सिकाइ सुनिश्चितता, पहुँच र सहभागिता बढाउन संघ, प्रदेश र स्थानीय सरकार तथा साझेदार संस्थाहरूबीच ठोस समन्वय हुने उल्लेख छ। स्थानीय सम्भावनाका आधारमा उद्यमशीलता प्रवद्र्धन गर्न क्षेत्रगत सर्वेक्षण गरी कार्यक्रम सञ्चालन गरिने बताइएको छ ।
मधेश प्रदेशमा स्थापना भएका विश्वविद्यालयहरूलाई सबलीकरणका लागि पूर्वाधार, अनुसन्धान, जनशक्ति तथा स्रोत व्यवस्थापनमा सहयोग गर्ने नीति लिने घोषणापत्रमा उल्लेख छ ।
सम्बन्धित खबर
