LIVE
सर्वदलिय सरकारदेखि रोजगारी सिर्जनासम्म मुख्यमन्त्री यादवको प्राथमिकता | उद्यमीलाई आर्थिक विकासको संवाहक बनाउन सरोकारवालाको जोड | नवनियुक्त मुख्यमन्त्री यादवले आइतबार बिहान १० बजे शपथ लिने, एक सातापछि विश्वासको मत लिने | मधेश सरकार गठनमा संवैधानिक अन्योल, सत्ताको दाउपेचमा दलहरू | नेकपाका केन्द्रीय सदस्य श्याम यादवसहितका नेता तथा कार्यकर्ता रास्वपामा प्रवेश | चिनियाँ दूतावासद्वारा जनकपुरको कन्या मावि शैक्षिक सामग्री सहयोग | छठ मनाउन मधेश झरे कांग्रेस सभापति थापा, सर्लाही हुँदै वीरगञ्ज पुग्ने | मधेशमा छठको रौनक, अस्ताउँदो सूर्यलाई अर्घ दिइँदै | मधेशमा नयाँ सरकार गठनका लागि दाबी पेस गर्न आह्वान | कमला नदीमा डुबेर धनुषाका २४ वर्षीय युवकको मृत्यु |

जनकपुरधाम । मधेश प्रदेशको अगामी आर्थिक वर्ष २०८२÷०८३ बजेटलाई लिएर सभाको देखिएको गतिरोध हटाउन उपसभामुख वविता राउत इसरको संयोजकत्वमा १४ सदस्य नयाँ कार्यदल गठन गरिएको छ ।

बजेटमा बिचौलिया हावि भएकोसहितको आरोप लगाउँदै विपक्षी दलहरुले सभाको वैठब अवरुद्ध गर्दै आएका थिए । त्यसपछि बजेटमा भएको त्रुटि सच्चाउन सभामुख रामचन्द्र मण्डलको संयोजकत्वमा ६ सदस्य कार्यदल गठन गरिएको थियो । तर कार्यदलमा मन्त्रीलाई सदस्यमा राखिएको भन्दै विपक्षी दलहरुले आपति जनाउँदै आज बसेको सभाको बैठक अवरुद्ध गरेका थिए । त्यसपछि सभामुख मण्डलले १० मिनेटको लागि सभा स्थगित गरि सर्वदलीय बैठक राखेका थिए । बैठकमा उपसभामुखको संयोजकत्वमा नयाँ कार्यदल गठन गर्ने सहमति भएपछि सभाको गतिरोध हटेको छ ।

कार्यदलमा सत्ता पक्षबाट काँग्रेसका तर्फबाट सांसद मोहम्मद समिम, जंगीलाल राय, नागेन्द्र साह, एमालेकी सारदा देवी थापा, जनमतका तर्फबाट चन्दन सिंह, सम्भु साह रलोसपाकी रमिता प्रधान छन् ।
यस्तै विपक्षी दलहरुबाट जसपा नेपालबाट रामअशिष यादव, नेकपा एकीकृत समाजवादीबाट कनिष पटेल, नेकपा माओवादी केन्द्रबाट जवाहरलाल कुशवाहा, नेपाल संघीय समाजवादीकी बिमला अंशासरी, राप्रपा नेपालकी कञ्चन विच्छा र नागरिक उन्मुक्ति पार्टीबाट उर्मिला देवी सिंह रहेकी छन् ।

कार्यदललाई आईतवार भित्रमा छानबिन गरि सोमवार प्रतिवेदन प्रदेश सभामा पेश गर्ने समय दिईएको छ । प्रदेश सभाको बैठक सोमवार बिहान ८ बजे बस्ने गरि स्थगित गरिएको छ ।

सम्बन्धित खबर