जनकपुरधाम । जनकपुरधाम–४ मा बस्दै आएकी अञ्जली यादवको हत्यामा संलग्न रहेका आरोपमा प्रहरीले एक जनालाई पक्राउ गरि सार्वजनिक गरेको छ ।
जिल्ला प्रहरी कार्यालय धनुषाले बिहिवार पत्रकार सम्मेलन गरि स्थायी घर धनुषाको बटेश्वर गाउँपलिका–५ शान्तिपुर भई पछिल्लो समय डेरा गरि जनकपुरधाम– ४ कटैयाँ चोरीमा बस्दै आएकी अञ्जली कुमारी यादवको हत्याको आरोपमा क्षिरेश्वरनाथ नगरपालिका–९ ईच्छापुरका ३५ वर्षीय रामबाबु साह पक्राउ गरि सार्वजनिक गरेका हुन् ।
आफुले प्रेम गरेकी महिलाले एकतर्फि प्रेम सम्बन्ध तोडेको आक्रोसमा १२ साउनको राती ११ बजे जनकपुरधाम उपमहानगरपालिका–४ कटैयाँ चोरीमा डेरा गरि बस्दै आएकी आशा यादव, उनकी छोरी अन्जली कुमारी यादव र भतिजी राधा यादवमाथि खुकुरी प्रहार गरेका थिए ।
घाइते तीनै जनालाई तत्काल उपचारका लागि प्रादेशिक अस्पताल जनकपुरधाम लगिएकोमा अन्जलीको १३ साउन राती उपचारको क्रममा मृत्यु भएको थियो । अन्य दुई घाइतेमध्ये राधाको उपचारपछि डिस्चार्ज गरिएको छ भने आशाको अवस्था गम्भीर रहेकाले उनलाई धरानस्थित बीपी कोइराला स्वास्थ्य विज्ञान प्रतिष्ठानमा लगिएको छ ।
सम्मेलनमा धनुषाका प्रहरी नायब उपरीक्षक वरुणबहादुर सिंहले पक्राउ परेका रामबाबु साह यस अघि श्रीमति हत्याको मुद्दामा दोषी ठहर भई पाँच वर्ष जेल सजाय समेत काटिसकेको बताए । जेलमुक्त भएपछि साहले दोस्रो विवाह गरेका थिए । विवाहको केहि महिनामै उनी आशा (मृतककी आमा)सँग प्रेम सम्बन्ध थिए ।
रामबाबु र आशाबीचको सम्बन्ध परिवारमा समेत खुलेपछि दुवै जना जनकपुरधाममा डेरा लिएर बस्न थालेका थिए । प्रेम गरेको वापत रामबाबुले आशालाई अटो रिक्सासमेत किनिदिएका थिए । तर केही समय अघि आशाले उक्त रिक्सालाई आफ्ना भाइको नाममा दर्ता गराएपछि दुवै बीच विवाद भएको थियो । पछि आशाले उक्त डेरा परिवर्तन गरि आफ्ना श्रीमान र छोरीसँग बस्न छुट्टै थालेकी थिइन् ।आशाकी श्रीमान वैदेशिक रोजगारमा रहदै आएका छन् ।
यता, रामबाबुले फोन गर्दा आशाले फोन नउठाउने, दुरी बढाउने, तथा श्रीमतीलाई समेत म्यासेज गरी झगडा गराउनेजस्ता व्यवहार देखिएपछि उनी आक्रोशमा आएका थिए ।
घटनाको राती रामबाबुले आशालाई फोनमै आशाले गाली गलौज गर्दै फोन काटेकि थिइृन । त्यसपछि रामबाबु खुकुरीसहित राती ११ बजे आशाको डेरामा पुगेका थिए । प्रहीका अनुसार रामबाबु डेरा पुगेपछि आशालाई मारपिट तथा कुखुरी प्रहार गर्न थाले । कुखुरी प्रहार गरेदेखेपछि अञ्जलीले आमालाई बचाउन कोसिस गर्दा रामबाबु अञ्जली माथि नै कुखुरी प्रहार गरे । प्रहरी नायब उपरीक्षक सिंहले घटनास्थलबाट खुकुरी र गाडी समेत प्रहरीले बरामद भएको बताए ।
सम्बन्धित खबर
