जनकपुरधाम । संघीय गणतान्त्रिक गठबन्धनको आयोजनामा बारा जिल्लाको कलैयामा ऐतिहासिक जनजागरण रैली सम्पन्न भएको छ।
कार्यक्रममा मधेस आन्दोलनका शहीद परिवारलाई सम्मान गरिँदा भावनात्मक माहोल सिर्जना भएको थियो।
रैलीमा “समग्र मधेस एक प्रदेश”, “समानुपातिक प्रतिनिधित्व”, “शोषणमुक्त समाज” लगायतका नारासहित अधिकारको माग गरिएको थियो। कार्यक्रमलाई पूर्व गृहराज्यमन्त्री रिजवान अन्सारीसहित विभिन्न पाँच दलका शीर्ष नेताहरूले सम्बोधन गर्दै उत्पीडित समुदायको हकहितका लागि संघर्षलाई जारी राख्ने प्रतिबद्धता व्यक्त गरे।
नेताहरूले संविधान संशोधन, विभेद अन्त्य र आत्मसम्मानसहितको पहिचानका लागि एकजुट हुन आह्वान गरे।
