जनकपुरधाम । लागु औषध कारोवारीलाई नियन्त्रणमा लिन धनुषा प्रहरीले दुई राउण्ड गोली चलाएको छ ।
जिल्लाको मिथिला नगरपालिका वडा नम्बर–२ नक्टाझिमा दुई जना लागु औषध कारोवारीलाई नियन्त्रमा लिन प्रहरीले दुई राउण्ड गोलि चलाएको हो । गोली प्रहार गरेर प्रहरीले दुई जना लागु औषध कारोबारीलाई नियन्त्रणमा लिएको धनुषा प्रहरीले जनाएको छ । प्रहरीको गोली लागेर लागु औषध कारोबारमा संलग्न मिथला नगरपालिका–६ ढल्केवारका अन्दाजी ४८ वर्षिय पप्पु कुमार साह घाईते भएका छन् । साहको दायाँ खुट्टामा गोली लागेको धनुषाका प्रहरी नायव उपरीक्षक तथा प्रवक्ता बरुण कुमार सिंहले जानकारी दिए ।
बुधवार साँढे ४ बजे समयमा जनकपुरबाट पप्पु कुमार साह शंकास्पद मोटरसाईकलमा बाराको परमाणिपुर गाउँपालिका–२ बस्ने अन्दाजी ३० वर्षिया सैलो देवि रामलाई पछाडि बसाएर ढल्केवर तर्फ जादै गर्दा प्रहरीले जनकपुर–ढल्केवर सडकको नक्टाझिझस्थित रोक्न इसारा गरेका थिए । तर उनीहरुले मोटरसाईकल रोक्न नमानेपछि प्रहरीले एक राउण्ड हवाई फायर समेत गरेका थिए । प्रवक्ता सिंहका अनुसार हवाई फायर गर्दा पनि नरोकिएपछि प्रहरीले गोलि चलाउदाँ साहको दायाँट्टामा गोलि लागेको छ ।
जिल्ला प्रहरी कार्यालय धनुषा र काठमण्डौको लागु औषध नियन्त्रण व्युरोको संयुक्त टोलीले दुवै जनालाई नियन्त्रणमा लिएको प्रवक्ता सिंहले बताए । प्रहरीले आरोपीहरूको साथबाट करिब २ सय २५ ग्राम खैरो हेरोइन बरामद गरेको उनले बताए । इलाका प्रहरी कार्यालयका प्रहरी निरीक्षक राजाराम यादवका अनुसार घाईते साहको प्रहरी निगरानिमा उपचार भईरहेको र महिला इलाका प्रहरी कार्यालयकै हिरासतमा राखिएको छ ।
सम्बन्धित खबर
