जनकपुरधाम । इस्लाम धर्मका अन्तिम सन्देष्टा हजरत मोहम्मद मुस्तफा सल्लल्लाहो अलैहे वसल्लमको १५०० औँ जन्मोत्सवको अवसरमा शनिबार जनकपुरमा भव्य र्याली निकालिएको छ।
र्यालीमा लोकतान्त्रिक समाजवादी पार्टी (लोसपा) मधेस प्रदेशका संसदीय दलका नेता जयनुल राईन, पूर्व राज्यमन्त्री अबुल कलाम अजाद, मुख्यमन्त्री तथा मन्त्रीपरिषद् कार्यालयका सचिव लालबाबु कवाडीलगायत विभिन्न समुदायका प्रतिनिधिहरुको सहभागिता थियो।
जनकपुर बजारको विभिन्न परिक्रमा गर्दै अघि बढेको र्यालीपश्चात तिरहुतिया गाछीमा विशेष कार्यक्रम आयोजना गरिएको थियो।
कार्यक्रममा सहभागीहरुलाई मन्सुरी एकता समाज नेपालले निःशुल्क पानी वितरण गरेको अध्यक्ष हाजि मोहम्मद जान नदाफले जानकारी दिए।
सम्बन्धित खबर
