जनकपुरधाम । साथिसँग टिकटक बनाउन खोलामा हामफालेका बारा प्रसौनी गाउँपालिका–२ का २१ व्र्षिय बिक्की गिरि वेपत्ता भएका छन् ।
प्रहरीका अनुसार आज विहान गिरी साथिहरुसँग टिकटक बनाउन कलैया–वीरगञ्ज सडकखण्ड अन्तर्गत प्रसौनीस्थित दुधौरा खोलाको पुलमा पुगेका थिए। टिकटक बनाउन दुई जना साथि एकैसाथ पुलबाट खोलमा हाम फालेका थिए । गिरीसँगै हाम फालेका उनका साथि पौडि खेलेर सुरक्षित बाहिर किनारामा निस्किएपनि उनका उनी भने वेपत्ता भए ।
सशस्त्र प्रहरी बल नेपाल नं. १२ गणका गोताखोर टोलीले उनको खोजी गरेपनि अहिले सम्म फेला नपरेको सशस्त्र प्रहरी बल मधेश प्रदेशका प्रवक्ता वरिष्ठ प्रहरी उपरीक्षक अशोक बमले बताए ।
त्यसैगरि, आज विहान माधवनरायण नगरपालिकाका–२ की ७५ वर्षिया पनवा देविको बागमति नदिमा डुबेर मृत्यु भएको छ । प्रवक्ता वरिष्ठ प्रहरी उपरीक्षक अशोक बमका अनुसार देव बागमतिमा दाउरा टिप्न गएकी थिईन ।
