LIVE
सर्वदलिय सरकारदेखि रोजगारी सिर्जनासम्म मुख्यमन्त्री यादवको प्राथमिकता | उद्यमीलाई आर्थिक विकासको संवाहक बनाउन सरोकारवालाको जोड | नवनियुक्त मुख्यमन्त्री यादवले आइतबार बिहान १० बजे शपथ लिने, एक सातापछि विश्वासको मत लिने | मधेश सरकार गठनमा संवैधानिक अन्योल, सत्ताको दाउपेचमा दलहरू | नेकपाका केन्द्रीय सदस्य श्याम यादवसहितका नेता तथा कार्यकर्ता रास्वपामा प्रवेश | चिनियाँ दूतावासद्वारा जनकपुरको कन्या मावि शैक्षिक सामग्री सहयोग | छठ मनाउन मधेश झरे कांग्रेस सभापति थापा, सर्लाही हुँदै वीरगञ्ज पुग्ने | मधेशमा छठको रौनक, अस्ताउँदो सूर्यलाई अर्घ दिइँदै | मधेशमा नयाँ सरकार गठनका लागि दाबी पेस गर्न आह्वान | कमला नदीमा डुबेर धनुषाका २४ वर्षीय युवकको मृत्यु |

जनकपुरधाम । यस वर्षको ‘महामूर्ख’ उपाधि मधेश प्रदेश सभामुख रामआशिष यादवलाई प्रदान गरिएको छ ।

मिथिला नाट्य कला परिषद् ले होली पर्वको पूर्वसन्ध्यामा वर्षौंदेखि आयोजना गर्दै आएको होली महोत्सव तथा महामूर्ख सम्मेलनमार्फत समाजमा सकारात्मक योगदान पु¥याएका व्यक्तित्वलाई व्यंग्यात्मक तर सम्मानजनक रूपमा उक्त उपाधि प्रदान गर्दै आएको छ ।
परिषद्का अनुसार पत्रकारिता, शिक्षा प्रवद्र्धन, सरसफाइ अभियान तथा विद्यालय बाहिर रहेका बालबालिकालाई शिक्षामा आकर्षित गर्न सभामुख यादवले पु¥याएको भूमिकाको कदरस्वरूप यस वर्षको उपाधि प्रदान गरिएको हो ।

जनकपुरधाम स्थित जानकी मन्दिर परिसरमा सम्पन्न कार्यक्रम रंग, अबीर, हास्यव्यंग्य, कविता र होरी गीतले भरिएको थियो। कार्यक्रम जनकपुरधाम उपमहानगरपालिका र जनक मन्दिर को सह–आयोजनामा भव्य रूपमा सम्पन्न भएको थियो ।
उपाधि ग्रहण गर्दै सभामुख यादवले व्यंग्यात्मक सम्मानले आफूलाई समाजप्रति अझ जिम्मेवार बनाएको बताए । उनले मिथिलाको मौलिक कला, संस्कृति र सामाजिक सद्भाव जोगाउन यस्ता कार्यक्रमले महत्वपूर्ण भूमिका खेल्ने उल्लेख गरे।

सम्मेलनमा शिक्षा, साहित्य, कानून, चिकित्सा, खेलकुद, उद्योग तथा सञ्चार क्षेत्रका विभिन्न व्यक्तित्वहरूलाई समेत रोचक उपाधिसहित सम्मान गरिएको छ । आधुनिक शिक्षामा योगदानका लागि राकेश कर्ण ‘वैशाखानन्द’, मैथिली अभियानी विभा झा ‘तिलविखनी’, कानून व्यवसायी विपिन कुमार झा ‘लवरसट्का’, पत्रकार तथा साहित्यकार हिमांशु चौधरी ‘जी हजुरिया’ तथा कवि दिगम्बर झा दिनमणि ‘पोना पण्डित’ उपाधिबाट सम्मानित भए ।

त्यसैगरी निजी विद्यालयका सञ्चालक विश्वलाल सिंह ‘पटमूर्ख’, शिक्षा शाखा प्रमुख अञ्जु पाण्डे ‘मनतोरिया’, न्युरो सर्जन डा. विजय राउत ‘विसखोपडा’, उद्योगपति प्रदीप चौधरी ‘तरघुस्ता’, ह्यान्डबल खेलाडी पवन कर्ण ‘बज्रकिट’, सुन व्यवसायी पवन ठाकुर ‘डपोरशंख’, मिथिला चित्रकार राजकुमारी मण्डल ‘तरघुस्की’, युवा लव अधिकारी ‘लोढाशंकर’ तथा नेपाल टेलिभिजन का मैथिली समाचार सम्पादक एवं वाचक दीपक कर्ण ‘लम्बोदर’ उपाधिबाट सम्मानित भए ।

कवि तथा कलाकारहरूले होरीको भाव र सामाजिक सन्देश समेटिएका प्रस्तुति दिँदा कार्यक्रम झन् आकर्षक बनेको थियो ।

सम्बन्धित खबर