LIVE
सर्वदलिय सरकारदेखि रोजगारी सिर्जनासम्म मुख्यमन्त्री यादवको प्राथमिकता | उद्यमीलाई आर्थिक विकासको संवाहक बनाउन सरोकारवालाको जोड | नवनियुक्त मुख्यमन्त्री यादवले आइतबार बिहान १० बजे शपथ लिने, एक सातापछि विश्वासको मत लिने | मधेश सरकार गठनमा संवैधानिक अन्योल, सत्ताको दाउपेचमा दलहरू | नेकपाका केन्द्रीय सदस्य श्याम यादवसहितका नेता तथा कार्यकर्ता रास्वपामा प्रवेश | चिनियाँ दूतावासद्वारा जनकपुरको कन्या मावि शैक्षिक सामग्री सहयोग | छठ मनाउन मधेश झरे कांग्रेस सभापति थापा, सर्लाही हुँदै वीरगञ्ज पुग्ने | मधेशमा छठको रौनक, अस्ताउँदो सूर्यलाई अर्घ दिइँदै | मधेशमा नयाँ सरकार गठनका लागि दाबी पेस गर्न आह्वान | कमला नदीमा डुबेर धनुषाका २४ वर्षीय युवकको मृत्यु |

जनकपुरधाम । धनुषासहित मधेश प्रदेशका आज मंगलवार चैती छठ पर्व मनाइँदै छ ।

छैठको चौथौ दिन आज साँझ व्रत बस्ने परम्पराअनुसार आज षष्ठी तिथिमा व्रतालुहरूले अस्ताउँदो सूर्यलाई सन्ध्या अर्घ दिएको छ ।
जनकपुरधामस्थित गंगासागर र अंग अंगराज सरमा विशेष तयारी गरिएको छ ।

छठ पर्वलाई लक्षित गर्दै दुवै स्थानलाई आकर्षक ढंगले सजाइएको छ भने सरसफाइ, सुरक्षा र व्यवस्थापनमा स्थानीय निकाय सक्रिय देखिएका छन् । व्रतालुहरू बिहानदेखि नै घाट क्षेत्रमा पुगेर पूजा–आराधनामा जुटेका छन् ।
छठ पर्वअन्तर्गत आज साँझ सूर्य अस्ताउनुभन्दा केही समयअघि व्रतालुहरू जलाशयमा प्रवेश गरी षष्ठी माताको आराधना गर्दै सूर्यदेवलाई अर्य दिने परम्परा छ ।

अघ्र्यका लागि ठेकुवा, भुसुवा, उखु, केरा, नरिवल, मुला लगायतका सामग्री प्रसादस्वरूप चढाइन्छ ।
भोलि बिहान उदाउँदो सूर्यलाई अर्घ अर्पण गरेपछि चैती छठ विधिवत् समापन हुने धार्मिक मान्यता छ । व्रतालुहरूले आज रातभर जाग्राम बसेर पूजा गर्ने परम्परा पनि रहेको छ ।

कात्तिक महिनामा मनाइने छठ पर्वको तुलनामा चैती छठमा सहभागीको संख्या कम हुने भए पनि पछिल्ला वर्षहरूमा यसको लोकप्रियता क्रमशः बढ्दै गएको छ ।

धार्मिक विश्वासअनुसार यस पर्वले मनोकांक्षा पूरा हुनुका साथै विभिन्न रोगबाट मुक्ति दिलाउने जनविश्वास रहँदै आएको छ ।

सम्बन्धित खबर