काठमाण्डौ । २५७०औँ बुद्धजयन्तीका अवसरमा १८ वैशाखमा आयोजना हुने विशेष समारोहमा सहभागी हुन प्रधानमन्त्री बालेन्द्र शाह (बालेन) लुम्बिनीमा जाने भएका छन् ।
लुम्बिनी विकास कोषका अनुसार प्रधानमन्त्री शाहले कार्यक्रममा सहभागी भई पूजाआजा गर्ने कार्यक्रम तय भएपनि औपचारिक सम्बोधन भने नगर्ने भएका छन् ।
विगतका वर्षहरूमा राष्ट्र वा सरकार प्रमुखले बुद्धजयन्ती समारोहलाई सम्बोधन गर्ने परम्परा रहे पनि यसपटक त्यस्तो कार्यक्रम नराखिएको कोषले जनाएको छ ।
कोषका सूचना अधिकृत राजन बस्नेतले बुद्धजयन्तीका अवसरमा प्रधानमन्त्री शाह पूजामा सहभागी हुने तर भाषण नगर्ने कार्यतालिका रहेको जानकारी दिए । उनका अनुसार प्रधानमन्त्रीसँगै संस्कृति, पर्यटन तथा नागरिक उड्डयन मन्त्री तथा कोषका अध्यक्ष खड्कराज पौडेल (गनेश), रुपन्देही क्षेत्र नम्बर ५ का प्रतिनिधिसभा सदस्य तौफिक अहमद खानलगायतको सहभागिता रहने छ ।
कार्यक्रम बिहान ५ बजे सुरु भइ ६ बजेसम्ममा सम्पन्न गर्ने योजना छ । लुम्बिनी विकास कोषको संरक्षकको रूपमा प्रधानमन्त्री रहने कानुनी व्यवस्था भएअनुसार उनको सहभागिता विशेष महत्त्वका साथ हेरिएको छ ।
