जनकपुरधाम । नेपाली कांग्रेस मधेश प्रदेश संसदीय दलका प्रमुख सचेतक कुमारकान्त झाले पदबाट राजीनामा दिएका छन् ।
झाले मंगलबारदेखि लागू हुने गरी प्रमुख सचेतक पदबाट राजीनामा दिएको जानकारी दिएका हुन् ।
उनले सामाजिक सञ्जालमार्फत छोटो वक्तव्य जारी गर्दै आज मिति २०८३ जेठ १२ गतेदेखि नेपाली कांग्रेस मधेश प्रदेशको संसदीय दलको प्रमुख सचेतकबाट राजीनामा गर्दैछु’ उल्लेख गरेका छन् ।
उनको राजीनामाको कारण भने सार्वजनिक गरिएको छैन । कांग्रेसभित्र पछिल्लो समय प्रदेशस्तरमा देखिएको आन्तरिक राजनीतिक समीकरण र जिम्मेवारी हेरफेरको चर्चाबीच झाको राजीनामालाई अर्थपूर्ण रूपमा हेरिएको छ । श्रोतका अनुसार झाले मन्त्री पदका आकांक्षि रहेको र मन्त्रीपरिषद विस्तार हुदाँ पनि पद नपाएको झोकमा राजिनामा दिएका हुन् ।
