जनकपुरधाम । जनकपुरधाम उपमहानगरपालिका–९ स्थित श्री सरस्वती माध्यमिक विद्यालय नजिक रहेको बिडालसर सरोवरमा डुबेर एक पुरुषको मृत्यु भएको छ ।
विहिवार दिउँसो करिव साढे १२ बजे तिर पहिचान नखुलेको अन्दाजी ५० वर्षिय एक व्यक्ति गर्मी छल्न पोखरीमा नुहाउन गएका थिए ।
नुहाउने क्रममा उनी पोखरीमा डुबेर बेपत्ता भएका थिए । त्यसपछि घटनाबारे स्थानीयले प्रहरीलाई जानकारी गराएपछि सशस्त्र प्रहरी बल धनुषालेका गोताखोर टोली परिचालन गरिएको थियो। गोताखोरले खोजी गर्ने क्रममा पोखरीबाट उनको शव फेला पारेको हो ।
प्रत्यक्षदर्शीहरूका अनुसार मृतकले रक्सी सेवन गरेर पोखरीमा नुहाउन गएका थिए । घटनाबारे थप अनुसन्धान भइरहेको प्रहरीले जनाएको छ ।
सम्बन्धित खबर
