जनकपुरधाम । सिरहाको गोलबजार नगरपालिका–७ स्थित पुरानो चौक चोहर्वामा रहेको पशु हाटबजार परिसरको खाल्डोमा जमेको पानीमा डुबेर एकै परिवारका तीन बालबालिकाको ज्यान गएको छ ।
मृत्यु हुनेमा स्थानीय अवास शेष का १२ वर्षीया छोरी सबनम खातुन, १० वर्षीया छोरी रुबिना खातुन र ७ वर्षीय छोरा साइफुल शेष रहेको प्रहरीले जनाएको छ ।
रौतहटको जिगरवा स्थायी घर भई लामो समयदेखि गोलबजारमा बस्दै आएका शेषका छोरीछोरी पशु हाटबजारमा परिसरमा भित्र रहेका खाल्डोमा पानीमा नुहाउने क्रमममा डुबेर मृत्यु भएको हो । उनीहरु आज दिउँसो अढाई बजे घरमा बाट बाहिर खेल्न निसकेका थिए ।
गाई गोरु सहितका जनावलाई पानी खुवाउने उदेश्यले खाल्डो निर्माण गरिएको बताइएको छ । घटनालगत्तै स्थानीयवासी र प्रहरीले तीनै बच्चालाई उद्धार गरी उपचारका लागि अस्पताल पु¥याएका थिए । तर चिकित्सकले उनीहरूलाई मृत घोषणा गरेका छन् ।
मृतकका आफन्त कवाडी संकलन गरेर घरपरिवारको जोहो गर्दै आएका छन् ।
यता, घटना वारे अनुसन्धान भईरहेको प्रहरीले जनाएको छ ।
सम्बन्धित खबर
