जनकपुरधाम । धनुषाको सबैला नगरपालिकास्थित भठिहनमा चोकको नामलाई लिएर दुई पक्षबीच भएको विवादमा प्रहरीले गोली चलाउदाँ एक युवक गम्भिर घाईते भएका छन् ।
सबैला नगरपालिका–९ भठिहन चोकको नामाकरणको लागि दुई समुह बीच पछिल्लो एक सप्ताहदेखि तनाव रहेको थियो । तर सोमवार दुई पक्ष बीच विवाद झडपको रुपमा परिणत भएपछि प्रहरीले गोली चलाउदाँ एक युवक गम्भिर घाइते भएका छन् ।
घाईते हुनेमा शहिदनगर नगपालिका–१ कुम्भकरणका २० वर्षीय सन्तोषकुमार यादव रहेको जिल्ला प्रहरी कार्यालय धनुषाका प्रहरी नायव उपरीक्षक वरुणबहादुर सिंहले जानकारी दिए । झडप नियन्त्रण गर्न प्रहरीले गोली चलाउने परेको प्रहरी नायव उपरीक्षक सिंहले बताए । घाइतेलाई उपचारको लागि जनकपुर प्रादेशिक अस्पताल ल्याउन ल्याइएको छ ।
भठिहनस्थित चोकमा एक पक्षले यादव चोक लेखिएको बोर्ड लगाएपछि अर्को पक्षले सो बोर्ड उखालेपछि तनाव उत्पन्न भएको थियो । घटना साम्य बनाउनुको साट्टो प्रहरीले गोलि चलाएर उग्र बनाएको स्थानीयको आरोप छ ।
