जनकपुरधाम । नेपालका अजमेर सरिफ भनिएका महोत्तरीको रौजा मजार शरीफमा यस प्रत्येक वर्ष झै यस वर्षपनि मंगलवारदेखि तीन दिवसिय उर्स(जलसा) हुने भएको छ ।
रौजा मजार शरीफ विकास समितिका अध्यक्ष सलिम राईनका अनुसार उर्स चैत२६, २७ र २८ गते तीन दिवसिय मनाईनेछ । उर्सको सम्पुर्ण तयारी भईसकेको अध्यक्ष राईनले जानकारी दिए । तीन दिवसीय उर्सलाई भव्य बनाउन नेपाल तथा छिमेकी राष्ट्र भारतबाट प्रसिद्ध धार्मिक प्रवचन गर्न मोफ्ती, मौलना तथा शायरहरुलाई आमन्त्रण गरिएको र उहाँहरु आउने निश्चित भएको अध्यक्ष राईनले बताए ।
नेपाल, भारतसहित बाट लाखौको संख्यामा को उर्समा सहभागि हुने धार्मिक पर्यटकलाइै मध्यनजर गर्दै मजार विकास समितिले विभिन्न उपसमितिहरु समेत गठन गरेको छ । मजारमा बाबा गदाअली शाह,बाबा रहम अली शाह र वहार अली शाहको मजार शरीफ रहेको छ । तीनै बाबाले समाजमा शिक्षा तथा समाज जनचेतना जगाउन करिव ३ सय वर्षभन्दा अघि जंगल नै जंगलले भरिएको सो आएका थिए ।
भारतको अजमेरस्थित बाबा खाजा अली शाहको निर्देशनमा आएका उनीहरु रौजमा बसेर ज्ञान दिने तथा सर्वसाधारण जनताको दुःख कष्ट निदान गर्ने गरेका थिए । अल्लाहको बाबाको सोही महिमालाई आज पनि कायम रहेको भन्दै वर्षेणी लाखौ श्रद्र्धालुभक्तजन रौजा मजार शरीफमा आउने गरेको स्थानीयहरुको भनाई छ ।
सम्बन्धित खबर
