जनकपुर।  धनुषामा  मोटरसाइकल दुर्घटनामा परि दुई जनाको मृत्यु भएको छ भने
एक जना घाइते भएका छन् ।
आज बिहान कमला – जनकपुर हुलाकी सडक अन्तरगत बिदेह नगरपालिका ५ मा भएको मोटरसाइकल दुर्घटनामा पनि सहिद नगरपालिका – ८ का ३० वर्षीय अजय कुमार मण्डल र सोही वडा घर भएका २० वर्षिय अमित कुमार गोइतको मृत्यु भएको छ । मण्डलको घटनास्थलमै  मृत्यु भएको छ ।
त्यसैगरी, सोही वडाका २१ वर्षिय  दिपेश कुमार यादव गम्भीर घाइते भएका छन् । उनको उपचार जनकपुरको रामजानकी अस्पतालमा भइरहेको  धनुषाका प्रहरी नायब उपरीक्षक बरुण कुमार सिंहले जानकारी दिए ।
धनुषाको महेन्द्रनगर जन्ती गएका तीनै जना फर्किर्ने क्रममा दुर्घटना भएको बताइएको छ ।