LIVE
सर्वदलिय सरकारदेखि रोजगारी सिर्जनासम्म मुख्यमन्त्री यादवको प्राथमिकता | उद्यमीलाई आर्थिक विकासको संवाहक बनाउन सरोकारवालाको जोड | नवनियुक्त मुख्यमन्त्री यादवले आइतबार बिहान १० बजे शपथ लिने, एक सातापछि विश्वासको मत लिने | मधेश सरकार गठनमा संवैधानिक अन्योल, सत्ताको दाउपेचमा दलहरू | नेकपाका केन्द्रीय सदस्य श्याम यादवसहितका नेता तथा कार्यकर्ता रास्वपामा प्रवेश | चिनियाँ दूतावासद्वारा जनकपुरको कन्या मावि शैक्षिक सामग्री सहयोग | छठ मनाउन मधेश झरे कांग्रेस सभापति थापा, सर्लाही हुँदै वीरगञ्ज पुग्ने | मधेशमा छठको रौनक, अस्ताउँदो सूर्यलाई अर्घ दिइँदै | मधेशमा नयाँ सरकार गठनका लागि दाबी पेस गर्न आह्वान | कमला नदीमा डुबेर धनुषाका २४ वर्षीय युवकको मृत्यु |

जनकपुरधाम । जनकपुरधामा विहिवारदेखि हुन लागेको तीन दीवसिय मुख्यमन्त्री मुख्यमन्त्री अन्तर प्रदेश राष्ट्रिय कबड्डी प्रतियोगिता सुरु नहुदै विवादित बनेको छ ।

मधेश प्रदेशका खेलकुद तथा समाज कल्याण मन्त्रालयको आयोजनामा १२ असारदेखि १४ असार सम्म चल्ने प्रतियोगिताको लागि ५० लाख रकम बिनियोजन गरिएको छ । तर विजेता टिमहरुको लागि राखिएको पुरस्कार राशी न्यून हुदाँ खेलाडीदेखि सर्वसधारणले पनि सरकारको आलोचना गरिरहेका छन् ।

प्रतियोगितामा प्रथम हुने टिमलाई २५ हजार, द्वितीय हुने टिमलाई २० हजार र तृतीय टिमलाई १५ हजार रुपैयाँ पुरस्कार राशि तोकिएको छ । जुन वडास्तरीय हुने प्रतियोगिताको राशि सरह हो । वर्षेणी गाडी फेर्ने मधेश प्रदेशका मन्त्रीहरुले अन्तर प्रदेशस्तीयर प्रतियोगिताको पुरस्कार राशि राखेर सरकारले प्रदेशको गरिमा घटाएको खेलप्रमिहरुको भनाई छ ।

पुरस्कार राशिले कुनै पनि प्रतियोगिताको महत्व र गरिमा झल्काउ छ, गण्डकी प्रदेश कबड्डी संघका उपाध्यक्ष कृष्ण पाण्डेले भने,‘ मधेश सरकारले पुरस्कार राशि न्युन राखेर खेलाडीको मनोबल घटाउने काम गरेको छ ।’ खेलाडीको नाममा लाखौ रुपैयाँ विनियोजन गरेर मन्त्रीदेखि कर्मचारी तथा आफ्ना कार्यकर्ताहरुलाई पोस्ने कार्यमा सरकार लागेको एक लेखाडीले आरोप लगाए ।

त्यस्तै, गण्डकीबाट आएका खेलाडी दिवान आलेले भने, ‘हामी टाढाबाट यहाँ आएर खेल्न लागेका छौं, तर यस्तो कम पुरस्कार देख्दा निराश भएछु । कम्तीमा खेलाडीको मिहिनेतअनुसार पुरस्कार राशि तोक्नुपर्छ ।’
यस विषयमा मधेस खेलकुद परिषद्का सदस्य सचिव शिवजी प्रसाद कानुले भने, ‘पुरस्कार राशी कार्यविधिअनुसार तोकिएको हो । हामी आफैंले नियम तोडेर बढाउन सक्दैनौं ।’ उनले खेलाडीहरूको आवास, यातायात र दैनिक भत्ताको समेत व्यवस्था गरिएको जानकारी दिए ।

तीन दिनसम्म चल्ने प्रतियोगितामा ७ प्रदेशबाट ८४ खेलाडी, १४ प्रशिक्षक र व्यवस्थापक, रेफरी अफिसियल, संघ प्रतिनिधि, स्वयंसेवकसहित ५२ गरि १ सय ५० जनाको सहभागिता रहेको छ ।

सम्बन्धित खबर