जनकपुरधाम । सिरहाको धनगढीमाई नगरपालिका–११ आमचोकमा धारिलो हतियार प्रयोग गरी एक वृद्धको हत्या गरिएको छ ।
७५ वर्षीय अनिल लाल यादवलाई सुतेकै अवस्थामा टाउकोमा धारिलो हतियार प्रहार गरिएको जिल्ला प्रहरी कार्यालय सिरहाका प्रवक्ता डीएसपी वीरेन्द्र कुमार पासवानले जानकारी दिए ।
प्रहरीका अनुसार आज बिहान सवा ६ बजे गम्भीर घाइते अवस्थामा फेला परेका यादवलाई उपचारका लागि प्रादेशिक अस्पताल, सिरहा लगिएको थियो । तर बिहान ८:२० बजे उपचारका क्रममा उनको मृत्यु भएको प्रहरीले जनाएको छ ।
घटनाबारे थप अनुसन्धान भइरहेको प्रहरीले जनाएको छ।
सम्बन्धित खबर
