जनकपुरधाम । जनकपुरधामको थापा चोकमा गुडिरहेको रेलले एक कारलाई ठक्कर दिएको छ। आज बिहान करिब साढे ८ बजे कुर्था रेल्वे स्टेशनबाट भारतको जयनगरतर्फ गइरहेको रेलले क्रसिङमा अड्केको  कारलाई ठक्कर दिएको हो।

ठक्करबाट मानवीय क्षति नभए पनि कारमा ठूलो भौतिक क्षति भएको छ। रेलको ठक्करले कारलाई करिब २५ मिटर टाढासम्म धकेलेको बताइएको छ। स्थानीयवासी र प्रहरीको सहयोगमा कारलाई रेलमार्गबाट हटाएपछि रेल सेवा पुनः सुचारु भएको हो।
धनुषाका प्रहरी नायव उपरीक्षक वरुण सिंहका अनुसार कार चालकको लापरवाहीका कारण दुर्घटना भएको प्रारम्भिक अनुसन्धानबाट थाहा भएको छ।