LIVE
सर्वदलिय सरकारदेखि रोजगारी सिर्जनासम्म मुख्यमन्त्री यादवको प्राथमिकता | उद्यमीलाई आर्थिक विकासको संवाहक बनाउन सरोकारवालाको जोड | नवनियुक्त मुख्यमन्त्री यादवले आइतबार बिहान १० बजे शपथ लिने, एक सातापछि विश्वासको मत लिने | मधेश सरकार गठनमा संवैधानिक अन्योल, सत्ताको दाउपेचमा दलहरू | नेकपाका केन्द्रीय सदस्य श्याम यादवसहितका नेता तथा कार्यकर्ता रास्वपामा प्रवेश | चिनियाँ दूतावासद्वारा जनकपुरको कन्या मावि शैक्षिक सामग्री सहयोग | छठ मनाउन मधेश झरे कांग्रेस सभापति थापा, सर्लाही हुँदै वीरगञ्ज पुग्ने | मधेशमा छठको रौनक, अस्ताउँदो सूर्यलाई अर्घ दिइँदै | मधेशमा नयाँ सरकार गठनका लागि दाबी पेस गर्न आह्वान | कमला नदीमा डुबेर धनुषाका २४ वर्षीय युवकको मृत्यु |

जनकपुरधाम । जेन–जी आन्दोलनका क्रममा मधेश प्रदेश लोक सेवा आयोगको कार्यालयबाट प्रहरीको हतियार लुटिएको आरोपमा धनुषा प्रहरीले दुई जनालाई पक्राउ गरेको छ ।
भदौ २४मा जेन–जीको आन्दोलनको क्रममा केहि अराजक समुहले विभिन्न सार्वजनिक सम्पतिहरुमा आगजनी तथा तोडफोड गर्ने क्रममा जनकपुरधाम उपमहानगरपालिका–९ स्थित भाडाको घरमा रहेको प्रदेश लोक सेवा आयोगको कार्यालयमा आगजनी तथा तोडफोड गर्दै प्रहरीको दुई वटा हतियार लुटिएको थियो ।

जिल्ला प्रहरी कार्यालय धनुषाका अनुसार आयोगको कार्यालयमा सुरक्षार्थ खटिएका नेपाल प्रहरीको एकथान एसएलआर राइफलसहित जनकपुरधाम–९ का ३७ वर्षीय मनिषकुमार अधिकारी र सोही वडामा २१ वर्षीय सन्तोषकुमार यादवलाई पक्राउ गरिएको प्रहरीले जनाएको छ । उनीहरुले कार्यालय तोडफोड, आगजनी र लुटपाट गर्ने गरि प्रहरीसँग रहेको ५० राउण्ड गोलीसहित एकथान राइफलसमेत लुटिएर फरार भएका थिए ।
प्रहरीले घटनास्थलको ‘सीसीटीभी’ भिडियोका आधारमा दुवै जनालाई पक्राउ गरिएको जिल्ला प्रहरी कार्यालयका प्रहरी प्रवक्ता प्रहरी नायव उपरीक्षक बरुण कुमार सिंहले जानकारी दिए ।

सम्बन्धित खबर