जनकपुरधाम । जेन–जी आन्दोलनका क्रममा विस्थापित भएका सिरहाका प्रहरी युनिटहरुलाई पुनः स्थापित गरिएको छ ।

जेन–जी आन्दोलको दोस्रो दिन जिल्लाभरि भएको आगजनी तथा तोडफोडको घटनाको कारण सिरहामा १४ वटा प्रति युनिट विस्थापित भएको थियो । त्यसमा मंगलवारसम्म स्थानीयको अनुरोधमा १२ वटा प्रहरी युनिट पुनःस्थापित गरिएको जिल्ला प्रहरी कार्यालय सिरहाका प्रवक्ता तथा प्रहरी नायव उपरीक्षक विरेन्द्र कुमार पासवानले जानकारी दिए । विस्थापित भएका प्रहरी बिट फूलबरिया र ब्राहबिघा मात्रा पुनःस्थापित गर्न अव मात्र बाँकी रहेको उनले बताए ।

जिल्ला प्रहरी कार्यालय सिरहा मातहत रहेको ४१ प्रहरी युनिट रहेका छन् । जेन–जी आन्दोलनको क्रक्रममा ईलाका प्रहरी कार्यालय गोलबजार, नरहा, बिष्णुपुर, कल्याणपुर , प्रहरी चौकी बेल्हा, लगडीगोठ, लगडी गदियानी, सन्हैठा, औरही, हरकट्टी, लहान र अस्थायी प्रहरी बिट ब्राहबिघा र फूलबरिया बिस्थापित भएको थियो । प्रहरी युनिटहरु साबिक स्थानमा पुर्नःस्थापना थालिएपछि स्थानीयले फुलमालाले प्रहरीहरुलाई स्वागत गरि शान्ति सुरक्षा कायम राख्न आग्रह गरेका छन् ।