राजिनामा नदिने अडानमा रहेका मधेश प्रदेशका मुख्यमन्त्री सतिश कुमार सिंहलाई जनमत पार्टीले स्पष्टीकरण सोधेको छ ।
पार्टीका उपाध्यक्ष तथा अनुशासन समितिका संयोजक नरेन्द्रप्रसाद चौधरीले बिहीबार पत्र पठाएर मुख्यमन्त्री सिंहलाई तीन भित्र स्पष्टीकरण जवाफ पेश गर्न अनुरोध गरेका छन् ।
मधेश प्रदेश संसदीय दलले सरकारलाई दिएको समर्थन फिर्ता लिएको र मुख्यमन्त्री र मन्त्रीहरुलाई बोईएको पत्रमा प्रदेश प्रमुख कार्यालय र प्रदेश सभामा सचविालयमा दर्ता गराएपनि राजिनामा नदिएको पत्रमा उल्लेख छ । तपाई स्वय्म समाजिक सञ्जाल मार्फत राजिनामा दिएकोमा समेत अवहेलन गर्दै तपाईले मुख्यमन्त्री पदबाट राजीनामा नदिएको’ भन्दै स्पष्टीकरण सोधिएको छ ।
अरू पार्टीहरूसँग साँठगाँठ गरी पार्टीको हित विपरितका गतिविधिमा संलग्न भएको, पार्टीमा आघात हुने गरी कार्य गरेको, पार्टीको छविलाई आँच पु¥याएको हुँदा स्पष्टीकरण सोधेको अनुशासन समितिले जनाएको छ ।
‘तपाईंलाई पार्टीको संसदीय दलको तर्फबाट प्रदेश सभा सदस्य तथा पार्टीको साधारण सदस्य समेत नरहने गरी किन कारबाही नहुनु पर्ने हो ३ दिन भित्रमा स्पष्टीकरण पेश गर्नु हुन अनुरोध छ ’, अनुशासन समितिको पत्रमा उल्लेख छ ।’
आज जनमतका संसदीय दलका नेता महेश प्रसाद यादवले पार्टीको निर्देशन विपरित मुख्यमन्त्री सिंह पदबाट राजिनामा नदिएको भन्दै कारर्वाहीका लागि पार्टीलाई सिफारिस गरेको थियो ।
