जनकपुरधाम । सत्ता सहयोगी दलहरुले समर्थन फिर्ता लिएपछि अल्पतमा रहेको मधेश प्रदेशका मुख्यमन्त्री सतिश कुमार सिंहले २८ असोजमा प्रदेश सभाबाट विश्वासको मत लिने छ ।
नेपालको संविधानको धारा १८८ को उपधारा (२) बमोजिम मुख्यमन्त्री सिंहले शुक्रवार प्रदेश सभा सचिवालयलाई पत्रचार गरि २८ गते विश्वासको मत दिने जानकारी गराएको छ । मुख्यमन्त्री सिंहले आफ्ना प्रेस सल्लाहकार अवेधश झा मार्फत प्रदेश सभामुखलाई विश्वासको मत लिने जानकारी गराएका हुन् ।
आफ्नै पार्टी जनमत र सत्ता साझेदार दल एमाले र नेपाली काँग्रेसले समर्थन फिर्ता लिएपछि सिंह नेतृत्वको सरकार अलपमत रहेको छ । समर्थन फिर्ता लिएलगत्तै यी काँग्रेसले एमाले र जनमत पार्टीसँग मिलेर आफ्नो नेतृत्वको नयाँ सरकार गठनका लागि २२ असोजमै प्रदेश प्रमुखसमक्ष ५८ जना प्रदेशसभा सदस्यको हस्ताक्षरसहित बहुमतको दाबी प्रस्तुत गरिसकेका छन् ।
नयाँ गठबन्धन बनेको र बहुमत गुमेको यस राजनीतिक संकटका बीच मुख्यमन्त्री सिंहले पद जोगाउन अन्तिम संवैधानिक प्रयास गर्ने अडान लिएका छन्। तर, प्रदेशसभामा आवश्यक ५४ मत नपुग्ने र विपक्षी गठबन्धनसँग स्पष्ट बहुमत रहेको स्थितिमा उनले विश्वासको मत पाउने सम्भावना देखिएको छैन ।
सम्बन्धित खबर
