जनकपुरधाम । भारतको रांचीमा अगामी अक्टोबर २४ देखि २६ तारिखसम्म हुने दक्षिण एसियाली सिनियर एथलेटिक्स च्याम्पियनसिपमा सहभागिता जनाउन नेपाली खेलाडी टोली आज जनकपुरधामबाट भारत प्रस्थान गरेको छ ।

नेपालबाट २६ खेलाडीसहित ३० सदस्यीय टोली प्रतियोगितामा सहभागी हुने भएको छ। टोलीलाई मधेश खेलकुद परिषदका वरिष्ठ सदस्य मोहम्मद असगर खाँ, लव अधिकारी, सुनिल यादव तथा परिषदका कर्मचारी अजित मिश्राले दोसल्ला ओढाई बिदाइ गरे।

खेलाडीहरुमा पुरुषतर्फ मुकेश पाल, राजन रोकाया, सोम कुमाल, सलिन देवान, सुशिल केसी, विशराज पार्की, अरुण महतो, रामचन्द्र थारु, तिलक विक, युवराज विक, गणेश सिंह रावत, नागेश्वर ऐर, चन्द्रदेव जोशी, प्रविण राना, नारायण भण्डारी रहेका छन् । त्यसैगरि महिला खेलाडी तर्फ सन्तोषी श्रेष्ठ, पूर्णलक्ष्मी न्यौपाने, बसन्ती चौधरी, सिमा कुमारी थारु, जयरानी थारु, सिता शाही, सर्मिला कुमारी थारु, सरस्वती चौधरी, रन्जिता अधिकारी र डिना गोपाली रहेका छन् ।
टोलीमा प्रशिक्षकको रूपमा राजेश वज्राचार्य र धनिराम चौधरी रहेका छन् भने व्यवस्थापकमा दिपेन्द्र कुमार गोईत र अफिसियलमा अनिरुद्र चौधरी रहेका छन्।

खेलाडीहरूलाई बिदाइ गर्दै परिषदका वरिष्ठ सदस्य मोहम्मद असगर खाँले उत्कृष्ट प्रदर्शनसहित पदक जितेर देशको झण्डा गौरवान्वित बनाउने शुभकामना व्यक्त दिए ।