LIVE
सर्वदलिय सरकारदेखि रोजगारी सिर्जनासम्म मुख्यमन्त्री यादवको प्राथमिकता | उद्यमीलाई आर्थिक विकासको संवाहक बनाउन सरोकारवालाको जोड | नवनियुक्त मुख्यमन्त्री यादवले आइतबार बिहान १० बजे शपथ लिने, एक सातापछि विश्वासको मत लिने | मधेश सरकार गठनमा संवैधानिक अन्योल, सत्ताको दाउपेचमा दलहरू | नेकपाका केन्द्रीय सदस्य श्याम यादवसहितका नेता तथा कार्यकर्ता रास्वपामा प्रवेश | चिनियाँ दूतावासद्वारा जनकपुरको कन्या मावि शैक्षिक सामग्री सहयोग | छठ मनाउन मधेश झरे कांग्रेस सभापति थापा, सर्लाही हुँदै वीरगञ्ज पुग्ने | मधेशमा छठको रौनक, अस्ताउँदो सूर्यलाई अर्घ दिइँदै | मधेशमा नयाँ सरकार गठनका लागि दाबी पेस गर्न आह्वान | कमला नदीमा डुबेर धनुषाका २४ वर्षीय युवकको मृत्यु |

जनकपुरधाम । मधेश प्रदेशका नवनियुक्त मुख्यमन्त्री सरोजकुमार यादवले दलहरू नेपाली कांग्रेसलाई सरकारको नेतृत्व दिन तयार भए आफू राजीनामा दिन तयार रहेको बताएका छन्। मंगलबार बिहान पत्रकार सम्मेलन गरी मुख्यमन्त्री यादवले यस्तो कुरा बताएका हुन् । उनले भने, ‘म रहरले होइन, संवैधानिक बाध्यतावश मुख्यमन्त्री भएको हुँ, मुख्यमन्त्री बन्ने मेरो इच्छा पनि थिएन । कांग्रेसका नेतालाई मुख्यमन्त्री बनाउने सहमति पनि गरेको थिएँ। तर, वर्तमान मुख्यमन्त्री जितेन्द्र सोनलज्यूले विश्वासको मत लिन नसकेपछि संवैधानिक व्यवस्थाअनुसार प्रदेश प्रमुखले मलाई मुख्यमन्त्रीमा नियुक्त गर्नुभयो।’

आफू संवैधानिक हिसाबले मुख्यमन्त्री भएको दाबी गर्दै उनले भने, ‘अझै केही बिग्रेको छैन। दलहरू नेपाली कांग्रेसको नेतृत्वमा सरकार गठन गर्न सहमत भए म अझै राजीनामा दिएर मार्गप्रशस्त गर्न सक्छु।’ सञ्चारकर्मीको एक प्रश्न उनले भने, ‘तत्काल कांग्रेसबाहेक अन्य दललाई नेतृत्व दिने विषयमा मैले सोचेको छैन।’
उनले आफू आज काठमाडौं जान लागेकोसमेत बताए।

‘पार्टी अध्यक्ष केपी ओलीले पनि मधेश सरकार गठनको विषयमा कन्सर्न राख्नुभएको छ,’ उनले भने, ‘त्यसकारण म काठमाडौं जाँदै छु र त्यहाँ नेपाली कांग्रेसका कार्यवाहक सभापतिजीसँग पनि भेटघाट गर्छु र सरकार गठनको विषयमा जानकारी गराउँछु ।’ प्रदेश प्रमुख सुमित्रा सुवेदीलाई सरकारले बर्खास्त गर्न गरेको सिफारिसलाई मुख्यमन्त्री यादवले विरोधसमेत गरे ।

सम्बन्धित खबर