LIVE
सर्वदलिय सरकारदेखि रोजगारी सिर्जनासम्म मुख्यमन्त्री यादवको प्राथमिकता | उद्यमीलाई आर्थिक विकासको संवाहक बनाउन सरोकारवालाको जोड | नवनियुक्त मुख्यमन्त्री यादवले आइतबार बिहान १० बजे शपथ लिने, एक सातापछि विश्वासको मत लिने | मधेश सरकार गठनमा संवैधानिक अन्योल, सत्ताको दाउपेचमा दलहरू | नेकपाका केन्द्रीय सदस्य श्याम यादवसहितका नेता तथा कार्यकर्ता रास्वपामा प्रवेश | चिनियाँ दूतावासद्वारा जनकपुरको कन्या मावि शैक्षिक सामग्री सहयोग | छठ मनाउन मधेश झरे कांग्रेस सभापति थापा, सर्लाही हुँदै वीरगञ्ज पुग्ने | मधेशमा छठको रौनक, अस्ताउँदो सूर्यलाई अर्घ दिइँदै | मधेशमा नयाँ सरकार गठनका लागि दाबी पेस गर्न आह्वान | कमला नदीमा डुबेर धनुषाका २४ वर्षीय युवकको मृत्यु |

जनकपुरधाम । कार्यालयमै सेवाग्राहीमाथि हातपात गरेको भिडियो सार्वजनिक भएपछि यातायात व्यवस्था कार्यालय बाराका निमित्त कार्यालय प्रमुख चिन्तन आचार्यलाई जिम्मेवारीबाट हटाइएको छ ।

मधेश प्रदेश सरकारको श्रम तथा यातायात मन्त्रालयले मंगलवार मन्त्रीस्तरीय निर्णयबाट आचार्यलाई मन्त्रालय तानेको हो । मन्त्रालयका सूचना अधिकारी सुनिल साहका अनुसार उनको स्थानमा बारा यातायात व्यवस्था कार्यालयका अधिकृत रामस्वार्थ महतोलाई निमित्त प्रमुखको जिम्मेवारी दिइएको छ ।

घटनाबारे अनुसन्धान प्रक्रिया जारी रहेको प्रहरीले जनाएको छ । बारा प्रहरीले आचार्यलाई कार्यालयमा बोलाएर घटनाका विषयमा सोधपुछ गरिरहेको छ । हालसम्म उनलाई औपचारिक रूपमा नियन्त्रणमा भने लिइएको छैन ।
प्रहरीका अनुसार घटना गत फागुनको तेस्रो सातातिर कार्यालय प्रमुखको कार्यकक्षमै भएको थियो ।

अनुसन्धानका क्रममा कार्यालयका एक चौकीदारको समेत घटनामा संलग्नता देखिएको बताइएको छ । घटना हुँदा ट्राफिक प्रहरीका सई भानुभक्त आचार्यसहित दुई जना प्रहरीसमेत कार्यालय परिसरमा उपस्थित रहेको प्रारम्भिक अनुसन्धानबाट खुलेको छ ।

सेवाग्राहीमाथि सरकारी कार्यालयभित्र भएको हातपातको भिडियो सार्वजनिक भएपछि घटनाको व्यापक आलोचना भएको थियो । त्यसपछि मन्त्रालयले प्रशासनिक कारबाहीस्वरूप आचार्यलाई जिम्मेवारीबाट हटाउँदै मन्त्रालयमा तानेको हो ।

सम्बन्धित खबर