जनकपुरधाम । महोत्तरीको प्रसिद्ध सोनामाई शक्तिपीठमा यस वर्ष १०४ रंङगाको बलि प्रदान गरिएको छ ।
जिल्लाको औहरी नगरपालिका वडा ७ मा पर्ने सोनामाई शक्तिपीठमा परापुर्वकालदेखि बोका, रंङगा, परेवाको बलि प्रदान हुदै आएको छ । दशैको अष्ठमीका दिन बोका बलि प्रदान हुन्छ भने नवमीको नदि रंङगा बलि प्रदान हुदै आएको छ ।दशैमा भुत मेलाले नेपालमै प्रसिद्ध उक्त मन्दिरमा धनुषा, महोत्तरी, सर्लाही, सिन्धुली तथा छिमेकी देश भारतका विहार राज्यको सितामाढी जिल्लाका विभिन्न स्थानबाट हजारौको संख्यामा श्रद्र्धालुभक्तजन भाकल गरे अनुसारको जानवरको बली प्रदान दिने गरेको औहरी नगरपालिका निर्वतमान मेयर सुनिल कुमार यादवले बताए ।
उनका अनुसार सोनमाईमा एक दशक अघि सम्म हजारभन्दा बढी रंङगाको बली प्रदान हुदै आएकोमा पछिल्लो केहि वर्षदेखि रंङगाको बली प्रदान गर्ने श्रद्र्धालुभक्तजनको संख्यामा व्यापक कमि आएको छ भने बोका बली प्रदान गर्नेको संख्यामा भने वृद्धि भएको छ ।
दसैँको षष्ठीदेखि सोनामाईमा लाग्ने भूतमेला विजयादशमी सम्म चल्ने गर्छ । भूतप्रेत, बोक्साबोक्सी र दुष्ट आत्माले सताइएका हजारौं पीडित प्रत्येक वर्ष सोनामाईको मन्दिरको प्राङगनमा आउने गर्छन् । जादुतोना तथा दुष्ट आत्माले पीडित भएकी महिला माता सोमनाईको दरबारमा हारगुहार गरेपछि उक्त कष्टबाट निदान पाउने जनविश्वास रहेको उनले बताए ।
सम्बन्धित खबर
