जनकपुरधाम । मधेस प्रदेशका भूमि व्यवस्था कृषि तथा सहकारी मन्त्री वसन्त कुश्वाहाले आर्थिक वर्षको ३१ बुँदे योजना सार्वजनिक गरेका छन् ।
मन्त्री कुश्वाहाले विहिवार पत्रकार सम्मेलन गरि आगामी आर्थिक वर्ष २०८०÷०८१को ३१ बुँदे निति तथा कार्यक्रममा सार्वजनिक गरेका हुन् । मधेस प्रदेशका अधिकांश जनतका आम्दनीको श्रोत कृषि रहेको भन्दै मन्त्री कुश्वाहाले कृषि क्षेत्रलाई प्राथमिकता दिएर आफुले अगामी वर्षका योजनाहरु सार्वजनिक गरेको बताए । उनले मलको अभाव प्रत्येक वर्ष भईरहेको समयमा रसायनिक मललाई विस्तारै विस्थाति गर्दै जैविक मलमा जोड दिने बताए ।
मधेस प्रदेशमा ३ लाख मेट्रिक टन रसायनिक मलको आवश्यक्ता रहेको समयमा संघ सरकारबाट प्राप्त हुने १ लाख ५० हजार मेट्रिक टन मल उपयोगमा ल्याइने मन्त्री कुश्वाहाले बताए । बाँकी जैविक मलको प्रयोगमा ल्याउन किसानहरुलाई प्रोत्साहन गर्ने उनले बताए ।
किसानलाई आत्मनिर्भर बनाउनकालागि किसानहरुको पहिचान गरी एक लाख किसानलाई गाई,भैसी र बकरी वितरण गरिने मन्त्रीले बताए । यि योजनाहरु कार्यान्वयको लागि करिव १५ अर्व खर्च लाग्ने बताउदै मन्त्री कुश्वाहाले ८ देखि १० अर्व संघिय सरकार, २ अर्व प्रदेश सरकार र बाँकी रकम एनजिओ तथा आइएनजिओसंग समन्वय गरी बजेट व्यवस्थापन गर्ने योजना रहेको रहेको बताए ।