जनकपुरधाम । मुस्लिम बोर्ड नेपालद्वारा हज यात्रीहरुलाई हज सम्बन्धी प्रक्षिण दिईएको छ । सर्लाहीको लिलानीया जामे मस्जिद मदरसामा आयोजना गरिएको कार्यक्रममा हजयात्रीदेखि दर्जनौ ख्याति प्राप्त ईस्लामिक धर्मगुरुहरु तथा सर्वसधारणको सहभागिता रहेको थियो ।
कार्यक्रममा दारुल उलूम बाज–ए–अशहब बारी कुण्ड जिल्ला प्रतापगढ यूपी निर्देशक हजरत अल्लामा इमामुद्दीन कादरी बुर्हानी विशेष अतिथि र प्रशिक्षकको रूपमा सहभागि भएको थियो । उनले हजको वारेमा हज यात्रीहरुलाई हज वारे जानकारी गराएका थिए ।
हज यात्रीहरुलाई धर्म गुरुहरुको हातबाट गुल पोशी अर्पण गरिएको थियो भने मुस्लिम बोर्ड नेपालले हजरत अल्लामा इमामुद्दीन कादरीलाई शैक्षिक तथा तालिम सेवाको लागि इमाम गजाली पुरस्कार प्रदान गरेको थियो ।
कार्यक्रममा मौलाना शमसुल हक खान, मोलाना अली हसन मोहन पुरी, मौलाना रिजवान अहमद रहमानी, मौलाना फय्याज कादरी मिस्बाही, डा. मोबाश्शिर हसन मिस्बाही, मौलाना मेराज असदक रिजवी, मौलाना मुजाहिदुल इस्लाम मिस्बाही, मुफ्ती अन्जार आलम मिस्बाही, मास्टर कलब हुसैन, मास्टर कलब हुसैन थिए । मौलाना, शमीम अंजुम नेपाली, मुफ्ती कमर रजा अमजादी, हाफिज नासिर हुसैन गजाली, मौलाना इस्राफिल रजा शम्सी, मौलाना मुनीर आलम रिजवी, मौलाना हश्मत अली, मौलाना इम्तियाज मोहनपुर सहितका सहभागिता रहेको थियो ।