जनकपुरधाम । जनकपुरमा मैथिली भाषा, साहित्य तथा साँस्कृतिको संरक्षण र प्रवद्र्धन गर्ने उदेश्यले तीन दिवसीय साहित्य महोत्सव सुरु भएको छ ।
मैथिली भाषास तथा साहित्यको क्षेत्रमा काम गर्ने विमर्श फाउण्डेशनले जनकपुरधाममा तीन दिने साहित्य महोत्सव ‘विमर्श’ आयोजना गरेको छ । उक्त महोत्सवको शनिवार मधेश प्रदेशका प्रमुख हरिशंकर मिश्रले उद्धघाटन गरेका हुन् ।
कार्यक्रममा प्रदेश प्रमुख मिश्रले पश्चिमी सम्भयताले मैथिली भाषा, साहित्य एवं संस्कृतिलाई समाप्त हुदै गएकोले यसको संरक्षण र प्रवद्र्धनमा जोड दिनुपर्ने बताए । मैथिली भाषा र साहित्यलाई समृद्ध बनाउन यसलाई जनजनको भाषाको रुपमा विकास गर्नुपर्ने बताए । कतिपय मिथिलाको धरोहरहरू लोप हुन थालको बताउँदै तिनको संरक्षण एवं उजागर गर्न यस्ता कार्यक्रमले टेवा पुग्नेमा उनको भनाई थियो ।
विमर्श फाउण्डेशनको आयोजना र नेपोभिट टाइल्सको प्रायोजनमा सुरु भएको महोत्सवमा मैथिली भाषा, संस्कृति, समाज, पर्यावरण र साहित्यमाथि नेपाल र भारतका विशिष्ट व्यक्तिहरूले परिचर्चा गर्ने आयोजक संस्थाकी अध्यक्ष विभा झाले बताईन ।
विमर्शमा भाषा विज्ञ प्रा.डा.रामावतार यादव,वरिष्ठ साहित्यकार डा.राजेन्द्र विमल, विजय कुमार सिंह दनुवार, नागदेव यादव, उमाकान्त झा, रामभरोस कापडी, डा. कमल मोहन, डा. रमानन्द झा, डा. अरुणाभ सौरभ, बालमुकुन्द, अजित आजाद, कथाकार अशोक, प्रदीप बिहारी, गुञ्जन श्री, डा. तारानन्द वियोगी, डा. अशोक कुमार मेहता, रोशन जनकपुरी, महेन्द्र मलंगिया, परमेश्वर कापडी सहितका साहित्यकारहरुको सहभागिता रहेको छ ।
सम्बन्धित खबर
