जनकपुरधाम । तीन दिनदेखि तनावग्रस्त अवस्थामा रहेको सर्लाहीको मलंगवामा आईतवार दिउँसो धार्मिक सदभाव र्याली निकालिएको छ ।
गत शुक्रवार कृष्ण जन्माष्टमीको अवसरमा बनाइएको कृष्ण भगवानीको मूर्ति विसर्जन गरि फर्किने क्रममा भएको केहि हिन्दु र मुस्लिम सामुदाय बीच विवाद भई उग्र रुप लिएपछि त्यहाँ शनिवार कर्फयु लगाईएको थियो । आईतवार जिल्ला प्रशासन कार्यालय सर्लाहीमा दुई सामुदायका अगुवासहित भएको सर्वपक्षीय वैठकमा पश्चात घटनाको छानिबिन गरि कारर्वाही गर्ने, दुवै सामुदाय अगुवाहरुले आफ्नो सामुदायमा संम्यमता अपनाउन आग्रहा गर्ने, घटनाको छानिबिन गर्न सहायक प्रमुख जिल्ला अधिकारी होम प्रसाद अधिकारीको संयोकत्वमा ९ सदस्य छानबिन समिति गठन गर्ने निर्णय भएको हो ।
समितिलाई १५ दिन भित्र घटनाको छानबिन गरि प्रतिवेदन पेश गर्ने र सोही प्रतिवेदन अनुसार कारर्वाही पक्रिया अगाडी बढाउने निर्णय भएको प्रमुख जिल्ला अधिकारी इन्द्रदेव यादवले जानकारी दिएका छन् ।
वैठक पश्चात जिल्ला प्रशासन कार्यालय सर्लाही, मलंगवा नगरपालिकाको अगुवाईमा धार्मिक सदभाव र्याली निकालिएको छ ।