जनकपुरधाम । चैत २७ गते
जनकपुरधाम उपमहानगरपालिका–२ का एक युवकलाई आफ्नै आफन्तहरुले मर्नासन हुने गरि कुटेका छन् ।
जनकपुरधाम उपमहनगरपालिका–६ बस्ने अशोक लाल दासका २७ वर्षिया छोरा शिवुलाल दासलाई नाता काँका पर्ने जनकपुरधाम– बस्ने नथुनी लाल दास, उनका छोरा दिपक लाल दास,श्रीमति, वुहारी सहितले आईतवार विहान १० वजे कुटपिट गरेका छन् । जग्गा सम्बन्धी विषयमा कुराकानी गरिरहेको वेला दिपक दासले शिवु माथि कुर्सि, घरेलु हतियारले सबै परिवार मिलेर कुटेको पीडितका बुवा अशोक लाल दासले बताए । शिवुको जनकपुरस्थित प्रादेशिक अस्पतालमा उपचार सम्भव नभएपछि थप उपचारको लागि वाहिर लगिएको छ । शिवुको टाउँको गम्भिर चोट लागेको छ भने हात खुट्टा भाचिएको उनले बताए ।
यता, प्रहरीले घटनाका संलग्न नथुली लाल दासलाई पक्राउ गरेको छ भने घरका अन्य सदस्यहरु फरार भएको प्रहरीले जनाएको छ ।