टी-२० विश्वकप क्रिकेटमा आज भारतले बंगलादेशसँग प्रतिस्पर्धा गर्दैछ । सेमिफाइनल यात्रालाई कायमै राख्न भारतले बंगलादेशलाई पराजित गर्नैपर्ने हुन्छ ।
अस्ट्रेलियाको एडिलेड ओभलमा हुने खेलमा भारत जित निकाल्ने दाउमा हुनेछ । बंगलादेश पनि भारतलाई पराजित गर्दै सेमिफाइनल पुग्ने सम्भावनालाई कायमै राख्ने दाउमा छ ।
बंगलादेशलाई पराजित गर्दै भारतलाई चार खेलबाट ६ अंक जोडेर शीर्ष स्थानमा उक्लिने अवसर छ । यता, बंगलादेश पनि भारतलाई हराउँदै शीर्ष स्थानमै उक्लिने लक्ष्यमा छ । समूह–१ को शीर्ष स्थानमा दक्षिण अफ्रिका रहेको छ । दक्षिण अफ्रिकाको तीन खेलबाट पाँच अंक छ ।
दोस्रो स्थानमा रहेको भारतको तीन खेलबाट चार अंक हुँदा समान खेलबाट चार अंक नै बनाएको बंगलादेश तेस्रो र जिम्बाब्वे चौथो स्थानमा छ । यता, तीन खेलबाट दुई अंक बनाएको पाकिस्तान पाँचौँ स्थानमा रहँदा नेदरल्याण्ड्स भने अंकविहीन छ ।
सम्बन्धित खबर
