जनकपुरधाम । लामो समयदेखि रिक्त रहेको लोकतान्त्रिक समाजवादी पार्टी (लोसपा)को मधेस प्रदेश संसदीय दलको नेतामा प्रदेशसभा सदस्य जयनुल राइन चयन भएका छन् ।
करिब १५ महिनादेखि रिक्त रहेको पदमा लोसपाको केन्द्रीय कार्यालयले सोमबार दलको नेतामा राईनलाई चयन गरेको हो ।
प्रदेशसभा सदस्य तथा दलका नेता अभिराम शर्मा थमन विकको हत्यामा दोषी ठहर भएपछि लोसपा संसदीय दलको नेताको पद खाली भएको थियो । शर्मालाई अदालतले दोषी ठहर गरेपछि मधेस प्रदेसभाले उनलाई निलम्बन गरेको थियो ।
लामो रस्साकस्सीपछि केन्द्रीय अध्यक्ष महन्थ ठाकुरले आज औपचारिकरुपमा पत्र लेखेर साँसद राईनलाई जिम्मेवारी दिएका हुन् । नेता राइनले आफूलाई पार्टी अध्यक्षले आजै जिम्मेवारी दिएको बताए ।
उनले भने, ‘करिब १५ महिनादेखि यो पद खाली थियो, आज पार्टी अध्यक्षज्यूले मलाई जिम्मेवारी दिनुभएको छ । त्यही अनुसार मैले सभामुखको कार्यालयलाई जानकारी गराएको छु ।’अर्को व्यवस्था नहुँदासम्म राइनलाई संसदीय दलको नेता मनोनयन गरिएको छ ।
सम्बन्धित खबर
